Almaty politsiiasy Dimash Qudaibergenniń kontserti ótetin oryn men oǵan jaqyn aýmaqta qoǵamdyq tártipti qamtamasyz etetinin málimdedi, - dep habarlaidy "Ult aqparat" Polisia.kz basylymyna silteme jasap.
Dimash Qudaibergenniń kontsertinde qoǵamdyq tártip pen jol qaýipsizdigin qamtamasyz etýge Politsiia departamenti qyzmetteri men bólimsheleriniń 2,5 myńnan asa qyzmetkeri jumyldyrylady.
"Bul - tek Qazaqstan úshin ǵana emes, halyqaralyq arenadaǵy aitýly oqiǵa, sondyqtan ony dúrbeleńsiz, beibereketsiz jáne eshqandai quqyqbuzýshylyqtarsyz óz deńgeiinde ótkizý mańyzdy. Politsiia qyzmetkerleri kontsert ótetin oryn men oǵan jaqyn aýmaqta qoǵamdyq tártipti qamtamasyz etedi. Sonymen qatar, Abai dańǵyly men Sátbaev kóshesiniń boiyna kólikterdi qoiýǵa tyiym salynǵanyn eskertemiz. Osyǵan bailanysty qonaqtardy kólikterin aldyn ala turaqqa qoiýǵa, qosalqy kóshelerdi paidalanýǵa jáne keptelisterdi boldyrmaý úshin olardyń baǵytyn aldyn ala retteýge shaqyramyz. Kontsert kezinde ózin-ózi ustaý mádenietine, ishimdik ishýge tyiym salýǵa erekshe nazar aýdaramyz. Aǵa býyn jankúierleri men balalary bar áielderge qurmet kórsetýge shaqyramyn", - dedi Almaty qalalyq PD bastyǵy Arystanǵani Zapparov.
