Daniiar Meirhan. Foto: otyrar.kz
Túlkibas AIIB basshysy Daniiar Meiirhan kepilmen bosatyldy, - dep habarlaidy Tengrinews.kz.
Bul týraly Meiirhannyń advokaty - Shymyrbai Aǵabekov málimdedi. Daniiar Meiirhan avtosalonǵa qatysty alaiaqtyq jasady degen kúdikke ilingeni belgili boldy.
"Sot sanktsiia berý kezinde kepil somasyn anyqtady. Ol kepilmen bosatyldy", - dedi advokat Shymyrbai Aǵabekov.
Shymkent qalasynyń tergeý soty málimetinshe, kúdiktige qatysty sot 40 million teńge kóleminde kepildik belgilegen.
"Túlkibas AIIB bastyǵyna qatysty tergeý organdary qamaýǵa alýǵa sanktsiia berý týraly ótinishhat berdi. Sot bul ótinishterdi qanaǵattandyryp, qamaýǵa alýǵa sanktsiia berdi. Bul rette QR QIJK-nyń 148-baby 8-bóligi talaptaryna sai sot kepil mólsherin belgileýge mindetti. Sot 40 million teńge kepil somasyn belgiledi", - dedi tergeý soty ókilderi.
"Bul neni meńzeidi? Ol qazir qamaýda. Eger ol sot belgilegen somany tapsa, ony tóleidi, al tergeý ony kepilmen bosatýy kerek", - dep tolyqtyrdy sot ókilderi.
Sot málimetinshe, Daniiar Meiirhan QR Qylmystyq kodeksiniń 190-baby 4-bóligi 2-tarmaǵy boiynsha asa iri kólemde alaiaqtyq jasady degen kúdikke ilingen.
Aita keteiik, Daniiar Meiirhan 2020 jyly naýryzda Túlkibas aýdandyq ishki ister bóliminiń bastyǵy bolyp taǵaiyndalǵan bolatyn.
