دانييار مەيرحان. فوتو: otyrar.kz
تٷلكٸباس اٸٸب باسشىسى دانييار مەيٸرحان كەپٸلمەن بوساتىلدى, - دەپ حابارلايدى Tengrinews.kz.
بۇل تۋرالى مەيٸرحاننىڭ ادۆوكاتى - شىمىرباي اعابەكوۆ مەلٸمدەدٸ. دانييار مەيٸرحان اۆتوسالونعا قاتىستى الاياقتىق جاسادى دەگەن كٷدٸككە ٸلٸنگەنٸ بەلگٸلٸ بولدى.
"سوت سانكتسييا بەرۋ كەزٸندە كەپٸل سوماسىن انىقتادى. ول كەپٸلمەن بوساتىلدى", - دەدٸ ادۆوكات شىمىرباي اعابەكوۆ.
شىمكەنت قالاسىنىڭ تەرگەۋ سوتى مەلٸمەتٸنشە, كٷدٸكتٸگە قاتىستى سوت 40 ميلليون تەڭگە كٶلەمٸندە كەپٸلدٸك بەلگٸلەگەن.
"تٷلكٸباس اٸٸب باستىعىنا قاتىستى تەرگەۋ ورگاندارى قاماۋعا الۋعا سانكتسييا بەرۋ تۋرالى ٶتٸنٸشحات بەردٸ. سوت بۇل ٶتٸنٸشتەردٸ قاناعاتتاندىرىپ, قاماۋعا الۋعا سانكتسييا بەردٸ. بۇل رەتتە قر قٸجك-نىڭ 148-بابى 8-بٶلٸگٸ تالاپتارىنا ساي سوت كەپٸل مٶلشەرٸن بەلگٸلەۋگە مٸندەتتٸ. سوت 40 ميلليون تەڭگە كەپٸل سوماسىن بەلگٸلەدٸ", - دەدٸ تەرگەۋ سوتى ٶكٸلدەرٸ.
"بۇل نەنٸ مەڭزەيدٸ? ول قازٸر قاماۋدا. ەگەر ول سوت بەلگٸلەگەن سومانى تاپسا, ونى تٶلەيدٸ, ال تەرگەۋ ونى كەپٸلمەن بوساتۋى كەرەك", - دەپ تولىقتىردى سوت ٶكٸلدەرٸ.
سوت مەلٸمەتٸنشە, دانييار مەيٸرحان قر قىلمىستىق كودەكسٸنٸڭ 190-بابى 4-بٶلٸگٸ 2-تارماعى بويىنشا اسا ٸرٸ كٶلەمدە الاياقتىق جاسادى دەگەن كٷدٸككە ٸلٸنگەن.
ايتا كەتەيٸك, دانييار مەيٸرحان 2020 جىلى ناۋرىزدا تٷلكٸباس اۋداندىق ٸشكٸ ٸستەر بٶلٸمٸنٸڭ باستىعى بولىپ تاعايىندالعان بولاتىن.
