Almatyda ózderin uiymdasqan qylmysqa qarsy kúres basqarmasynyń qyzmetkerleri retinde tanystyryp, turǵyndy qarýmen qorqytyp, odan aqsha talap etken tórt adam ustaldy, dep habarlaidy ult.kz.
IIM málimetinshe, oqiǵa 10 tamyzda bolǵan. Bir top adam aldyn ala sóz bailasyp, jábirlenýshini ańdyǵan. Keiin olar ózderin politsiia qyzmetkerleri retinde tanystyryp, tapanshamen qorqytyp, ony kólikke kúshtep otyrǵyzǵan. Sodan soń qala syrtyna alyp ketken.
Qaskóiler jábirlenýshige qysym kórsetip, týysyna qońyraý shalýǵa májbúrlegen. Nátijesinde onyń týysy kúdiktiler kórsetken esepshotqa 3 mln teńge aýdarǵan.
Jedel-izdestirý sharalary barysynda uiymdasqan qylmysqa qarsy kúres basqarmasynyń qyzmetkerleri tórt adamdy ustady. Olardyń barlyǵy buryn sottalǵan. Kúdiktilerdiń bireýi adam óltirgeni úshin jazasyn ótegen.
Ustalǵandar ýaqytsha ustaý izoliatoryna qamaldy.
Tintý kezinde eki myltyq, karabin, gaz tapanshasy jáne oq-dáriler tárkilendi.
Qazir tergeý amaldary júrgizilip jatyr.
