الماتىدا ٶزدەرٸن ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ رەتٸندە تانىستىرىپ, تۇرعىندى قارۋمەن قورقىتىپ, ودان اقشا تالاپ ەتكەن تٶرت ادام ۇستالدى, دەپ حابارلايدى ult.kz.
ٸٸم مەلٸمەتٸنشە, وقيعا 10 تامىزدا بولعان. بٸر توپ ادام الدىن الا سٶز بايلاسىپ, جەبٸرلەنۋشٸنٸ اڭدىعان. كەيٸن ولار ٶزدەرٸن پوليتسييا قىزمەتكەرلەرٸ رەتٸندە تانىستىرىپ, تاپانشامەن قورقىتىپ, ونى كٶلٸككە كٷشتەپ وتىرعىزعان. سودان سوڭ قالا سىرتىنا الىپ كەتكەن.
قاسكٶيلەر جەبٸرلەنۋشٸگە قىسىم كٶرسەتٸپ, تۋىسىنا قوڭىراۋ شالۋعا مەجبٷرلەگەن. نەتيجەسٸندە ونىڭ تۋىسى كٷدٸكتٸلەر كٶرسەتكەن ەسەپشوتقا 3 ملن تەڭگە اۋدارعان.
جەدەل-ٸزدەستٸرۋ شارالارى بارىسىندا ۇيىمداسقان قىلمىسقا قارسى كٷرەس باسقارماسىنىڭ قىزمەتكەرلەرٸ تٶرت ادامدى ۇستادى. ولاردىڭ بارلىعى بۇرىن سوتتالعان. كٷدٸكتٸلەردٸڭ بٸرەۋٸ ادام ٶلتٸرگەنٸ ٷشٸن جازاسىن ٶتەگەن.
ۇستالعاندار ۋاقىتشا ۇستاۋ يزولياتورىنا قامالدى.
تٸنتۋ كەزٸندە ەكٸ مىلتىق, كارابين, گاز تاپانشاسى جەنە وق-دەرٸلەر تەركٸلەندٸ.
قازٸر تەرگەۋ امالدارى جٷرگٸزٸلٸپ جاتىر.
