Osydan eki jyl buryn Aslan men Arailym Álserovter kópshilikke úlgili politsiia otbasy retinde tanystyrylǵan bolatyn. Erli-zaiypty «Qaiyrly tań, Qazaqstan» baǵdarlamasyna jeti balasymen qatysyp, qyzmet joly men otbasylyq qundylyqtary týraly áńgimelesken edi, dep habarlaidy ult.kz.
Suhbat barysynda Aslan Álserov ishki ister organdaryndaǵy eńbek jolyn 2008 jyly Almaty qalasynyń patrýldik politsiiasynda bastaǵanyn, al bolashaq jary Arailymmen sol qyzmette tanysqanyn aitqan. Áriptestik ýaqyt óte kele otbasylyq ómirge ulasqan.
Baǵdarlamada Arailym Álserova joldasyn tańdaýda syrtqy kelbetten buryn adamgershilik qasietterine mán bergenin aityp, onyń sabyrly, salmaqty ári batyl minezi ózine erekshe áser etkenin jetkizgen.
Álserovter otbasy quqyq qorǵaý salasyndaǵy qyzmetimen ǵana emes, sporttaǵy jetistikterimen de tanylǵan. Aslan Álserov grek-rim kúresimen ainalyssa, jubaiy djiý-djitsýdan Qazaqstannyń alty dúrkin chempiony atanǵan. Balalary da dziýdo, sambo jáne djiý-djitsýdan túrli halyqaralyq jarystarda júlde ielenip júr.
Sol kezdegi suhbatta úlken qyzdary Erkejan Qaliaqparova ákesin talapshyl ári ádil, al anasyn meiirimdi ári qamqor jan retinde sipattaǵan bolatyn.
Aita keteiik, qoǵamda úlken rezonans týdyrǵan aǵa jedel ýákil Aslan Álserovtiń qazasyna qatysty tergeý amaldary áli jalǵasyp jatyr.
