Shymkent qalasy ál-Farabi aýdandyq sotynyń úkimimen zańsyz oiyn biznesin uiymdastyrǵan azamattyń 1 jylǵa bas bostandyǵy shekteldi. Ol sonymen qatar 100 saǵat májbúrli eńbekke tartylady, dep habarlaidy "Ult aqparat".
Qarjy monitoringi komitetiniń Shymkent qalasy boiynsha ekonomikalyq tergeý departamenti Shymkent qalasy Qonaev dańǵylyna páterdi jalǵa alyp, onyń bir bólmesinde zańsyz poker oiynyn uiymdastyrý faktisin anyqtady.
Iaǵni, ol Qazaqstan Respýblikasy «Oiyn biznesi týraly» zańynyń talaptaryn óreskel buzyp, oiyn biznesi salasyndaǵy qyzmetpen ainalysýǵa arnaýly ruqsat almaǵan.
Sóitip joǵaryda atalǵan mekenjaida zańsyz oiyn mekemesin ashyp, ony ustap, uiymdastyryp, júrgizýmen ainalysqan.
Aiǵaq zat retinde alynǵan 100 000 teńge aqsha qarajaty memleket paidasyna tárkilendi, poker oiynyna arnalǵan diller tasy jáne 200 dana kazino fishkalary joiyldy.
