Pákistannyń Belýdjistan provintsiiasyndaǵy Kvetta qalasynda jolaýshylar poiyzy jarylyp, keminde 16 adam qaza tapty. Taǵy 20-dan astam adam túrli jaraqatpen aýrýhanaǵa jetkizilgen, dep habarlaidy ult.kz.
Jarylys Chaman-Phatak aýdanyndaǵy temirjol mańynda poiyz ótip bara jatqan sátte bolǵan. Aldyn ala málimet boiynsha, jarylǵysh zat temirjol boiyna qoiylǵan nemese jarylǵysh tielgen kólik poiyzǵa jaqyn jerde iske qosylǵan. Kúshti jarylystan birneshe vagon relsten shyǵyp, jaqyn mańdaǵy kólikter men ǵimarattar zaqymdanǵan.
Pákistan biligi oqiǵa ornynda qutqarý operatsiiasy júrgizilip jatqanyn habarlady. Jergilikti aýrýhanalarda tótenshe jaǵdai rejimi engizilgen. Keibir zardap shekkenderdiń jaǵdaiy aýyr ekeni aityldy.
Birqatar halyqaralyq BAQ shabýyl úshin jaýapkershilikti Belýdjistandy azat etý armiiasy (BLA) atty separatistik top óz moinyna alǵanyn jazdy. Bul óńirde sońǵy jyldary qarýly shabýyldar men jarylystar jiilegen.
