Koronavirýs pnevmoniiasymen aýyrǵan naýqastardyń ókpesi tolyq qalypqa kelýi úshin 3 aidan 6 aiǵa deiin ýaqyt kerek. Bul týraly meditsina ǵylymdarynyń kandidaty, pýlmonolog Aleksei Pak málimdedi, dep habarlaidy QazAqparat.
«Koronavirýstyq pnevmoniiamen aýyryp, saýyqqan adamdar kompiýterlik tomografiiadan ótkende, ókpesiniń tolyq jaqsarmaǵanyn kóredi. Sondyqtan olar úreige boi aldyryp, alańdap, qaitadan em alýdy jalǵastyryp jatady. Al shyn máninde ol naýqastar densaýlyq jaǵdaiynyń jaqsy ekenin sezinedi. Bul másele meditsina mamandarynyń halyqty durys aqparatpen qamtamasyz etpeýinen týyndap otyr. Pnevmoniiadan zaqym kelgen ókpeniń tolyq orny bitip ketýi úshin 3 aidan 6 aiǵa deiin ýaqyt kerek. Keibir jaǵdaida ókpedegi ózgeris ómir boiyna saqtalýy múmkin. Sondyqtan kompiýterlik tomografiia olardyń tynys alý organynda dert bar dep kórsetedi. Bul adam aýrýynan áli aiyqpaǵan degendi bildirmeidi», - dedi pýlmonolog-dáriger Aleksei Pak.
Sondai-aq, Aleksei Pak pnevmoniiany koronavirýs infektsiiasynan bólip qarastyrý máselesi týraly pikir bildirdi.
«Qazir buqara arasynda koronavirýs infektsiiasyn jáne pnevmoniia aýrýyn ekige bólip qarastyrý týraly jańsaq pikir qalyptasty. Bul múldem aqylǵa qonbaityn dúnie. Pnevmoniianyń tek bakteriialyq túri bar. Oǵan adamdar óte az shaldyǵady. Búgingi jaǵdaida pnevmoniianyń bakteriialyq emes, infektsiialyq túri órshidi. Ol koronavirýstyń asa aýyr asqynǵan túri. Jappai indet taraǵansha, men kúnine bakteriiadan ókpesi zaqymdanǵan 5-6 naýqasty qaraityn edim. Al dert órshigende, bir kúnde 600 adamdy tekseristen ótkizdim. Pnevmoniiaǵa shaldyqqan naýqastar koronavirýstyq infektsiiamen aýyratyndar. COVID -19 anyqtaityn ádis-tásilder ártúrli. Máselen, indet PTsR taldamasy arqyly anyqtalmai, biraq kompiýterlik tomografiia tekserýi boiynsha ókpeniń zaqymdanǵany kórsetiledi. Bul siz koronavirýs juqtyrdyńyz degendi bildiredi», - dep atap ótti Ulttyq ǵylymi meditsinalyq ortalyǵynyń pýlmonolog-dárigeri Aleksei Pak.
