كوروناۆيرۋس پنەۆمونيياسىمەن اۋىرعان ناۋقاستاردىڭ ٶكپەسٸ تولىق قالىپقا كەلۋٸ ٷشٸن 3 ايدان 6 ايعا دەيٸن ۋاقىت كەرەك. بۇل تۋرالى مەديتسينا عىلىمدارىنىڭ كانديداتى, پۋلمونولوگ الەكسەي پاك مەلٸمدەدٸ, دەپ حابارلايدى قازاقپارات.
«كوروناۆيرۋستىق پنەۆمونييامەن اۋىرىپ, ساۋىققان ادامدار كومپيۋتەرلٸك توموگرافييادان ٶتكەندە, ٶكپەسٸنٸڭ تولىق جاقسارماعانىن كٶرەدٸ. سوندىقتان ولار ٷرەيگە بوي الدىرىپ, الاڭداپ, قايتادان ەم الۋدى جالعاستىرىپ جاتادى. ال شىن مەنٸندە ول ناۋقاستار دەنساۋلىق جاعدايىنىڭ جاقسى ەكەنٸن سەزٸنەدٸ. بۇل مەسەلە مەديتسينا ماماندارىنىڭ حالىقتى دۇرىس اقپاراتپەن قامتاماسىز ەتپەۋٸنەن تۋىنداپ وتىر. پنەۆمونييادان زاقىم كەلگەن ٶكپەنٸڭ تولىق ورنى بٸتٸپ كەتۋٸ ٷشٸن 3 ايدان 6 ايعا دەيٸن ۋاقىت كەرەك. كەيبٸر جاعدايدا ٶكپەدەگٸ ٶزگەرٸس ٶمٸر بويىنا ساقتالۋى مٷمكٸن. سوندىقتان كومپيۋتەرلٸك توموگرافييا ولاردىڭ تىنىس الۋ ورگانىندا دەرت بار دەپ كٶرسەتەدٸ. بۇل ادام اۋرۋىنان ەلٸ ايىقپاعان دەگەندٸ بٸلدٸرمەيدٸ», - دەدٸ پۋلمونولوگ-دەرٸگەر الەكسەي پاك.
سونداي-اق, الەكسەي پاك پنەۆمونييانى كوروناۆيرۋس ينفەكتسيياسىنان بٶلٸپ قاراستىرۋ مەسەلەسٸ تۋرالى پٸكٸر بٸلدٸردٸ.
«قازٸر بۇقارا اراسىندا كوروناۆيرۋس ينفەكتسيياسىن جەنە پنەۆمونييا اۋرۋىن ەكٸگە بٶلٸپ قاراستىرۋ تۋرالى جاڭساق پٸكٸر قالىپتاستى. بۇل مٷلدەم اقىلعا قونبايتىن دٷنيە. پنەۆمونييانىڭ تەك باكتەرييالىق تٷرٸ بار. وعان ادامدار ٶتە از شالدىعادى. بٷگٸنگٸ جاعدايدا پنەۆمونييانىڭ باكتەرييالىق ەمەس, ينفەكتسييالىق تٷرٸ ٶرشٸدٸ. ول كوروناۆيرۋستىڭ اسا اۋىر اسقىنعان تٷرٸ. جاپپاي ٸندەت تاراعانشا, مەن كٷنٸنە باكتەرييادان ٶكپەسٸ زاقىمدانعان 5-6 ناۋقاستى قارايتىن ەدٸم. ال دەرت ٶرشٸگەندە, بٸر كٷندە 600 ادامدى تەكسەرٸستەن ٶتكٸزدٸم. پنەۆمونيياعا شالدىققان ناۋقاستار كوروناۆيرۋستىق ينفەكتسييامەن اۋىراتىندار. COVID -19 انىقتايتىن ەدٸس-تەسٸلدەر ەرتٷرلٸ. مەسەلەن, ٸندەت پتسر تالداماسى ارقىلى انىقتالماي, بٸراق كومپيۋتەرلٸك توموگرافييا تەكسەرۋٸ بويىنشا ٶكپەنٸڭ زاقىمدانعانى كٶرسەتٸلەدٸ. بۇل سٸز كوروناۆيرۋس جۇقتىردىڭىز دەگەندٸ بٸلدٸرەدٸ», - دەپ اتاپ ٶتتٸ ۇلتتىق عىلىمي مەديتسينالىق ورتالىعىنىڭ پۋلمونولوگ-دەرٸگەرٸ الەكسەي پاك.
