QR Densaýlyq saqtaý ministri Aleksei Tsoi ókpe qabynýyna shaldyqqandar men osy aýrýdan qaitys bolǵandar týraly málimetterdiń ázirshe nege jariialanbai otyrǵanyn túsindirdi, dep habarlaidy QazAqparat.
«2020 jyldyń sońǵy alty aiynda ókpe qabynýy boiynsha 1 172 ólim-jitim tirkeldi. 2019 jyldyń alty aiynda 1 780 adam qaitys bolǵan edi. Bul - jalpy sipattaǵy ókpe qabynýy. Tolyqtai alǵanda biyl ókpe qabynýyna shaldyǵý ótken jylmen salystyrǵanda 50 paiyzǵa joǵary bolyp tur. Qazir biz ókpe qabynýyna bailanysty saraptama jasamaqpyz», - dedi ministr búgin Ortalyq kommýnikatsiialar qyzmetindegi brifingide tilshilerdiń saýalyna orai.
Onyń atap ótýinshe, koronavirýs infektsiiasynyń eń aýyr túrine qoldanylatyn em-dom túri pnevmoniiany emdeýge de qoldanylady.
Sonymen qatar ol álemde ókpe qabynýyna shaldyǵý derekteri ótken jylǵy statistikalyq málimetterge qaraǵanda biyl birshama joǵary bolyp turǵanyn aitty.
«Airyqsha nazar aýdarý men baqylaýdy qajet etetin mundai respiratorlyq aýrý bar naýqastar sanyn bilýimiz kerek. Iaǵni, ókpe qabynýy jáne barlyq koronavirýs infektsiiasy tolyqtai tirkeýge alynady. Biraq, test arqyly resmi naqtylanǵandar sany tirkeledi. Barlyǵy testileýden ótýi úshin test sanyn qýalaýdyń qajeti joq. Ol orta-aýyr jáne aýyr naýqastarǵa qatysty shynaiy jaǵdaidy túsiný úshin ǵana qajet. Soǵan basa mán bergen jón», - dedi Aleksei Tsoi.
