Ortalyq kommýnikatsiialar qyzmetinde ótken brifingide joǵary sanatty pýlmonolog, meditsina ǵylymdarynyń doktory Natalia Latypova pnevmoniiany ajyratý joldaryn aitty, dep habarlaidy "Ult aqparat".
«Pnevmoniia belgileri birden paida bolmaidy. Respiratorlyq túri kem degende 5-7 kúnnen keiin paida bolady. Qarapaiym jótel, demikpe, tynys alýdyń tarylýy, ózińdi jaisyz seziný jáne keýde tusynyń aýyrýy pnevmoniianyń belgisi bolýy múmkin. Tynys alý joldarynyń zaqymdanýy osy belgilerdiń birtindep órshýinen bastalady», - deidi Natalia Latypova.
Onyń aitýynsha, osy belgilerdiń paida bolýy ókpeniń qanshalyqty zaqymdanǵanyna bailanysty.
«Eger osy belgiler órshimese, dene qyzýynyń kóterilýi saqtalmasa, osy belgiler 7 kúnnen artyq bolmasa - ýaiymdaýdyń qajeti joq. Bul antibiotik qabyldaityn nemese kompiýterlik tomografiia jasaýǵa sebep emes. Eger bul belgiler ýaqyt ótken saiyn kúsheie bastasa, dene qyzýy túspei qoisa ókpeni qaratý kerek jáne emdeý ádisin ózgertý kerek», - deidi ol.
