Ortalyq kommýnikatsiialar qyzmetinde ótken brifingide joǵary sanatty pýlmonolog, meditsina ǵylymdarynyń doktory Natalia Latypova pnevmoniia kezinde massajdyń kómegi bar-joǵyn aitty, dep habarlaidy QazAqparat.
«Ókpege suiyq jinalyp qalady» degen sóz koronavirýs infektsiiasyna qatysty aityla qoimaidy. Aýrý barysynda qurǵaq jótel bolady. Osy jerde ókpe súzgisi bolady. Bul jerdiń mehanizmi basqashalaý», - deidi Natalia Latypova.
Ol ókpeniń astyńǵy bóligin jeldetip otyrý óte mańyzdy ekenin aitty.
«Ishpen jatý kerek» degen keńes ne sebepti kóp aitylady? Ókpe jasýshasy ekskýrsiia jasaýy úshin adamnyń arqa tusy ashyq bolýy kerek. Ishpen jatqan kezde ǵana artqy tusy ashyq bolady. Eger aýrýdyń respiratorlyq belgileri bolsa jáne koronavirýs infektsiiasy sizde bar ekeni dáleldengen bolsa - kúnine birneshe ret etbetinnen jatýdy usynamyz. Pnevmoniianyń aýyr túrimen aýyratyndar kúnine 12-16 saǵat boiy ishpen jatýy kerek. Bul qan ainalymdy jaqsartatyn tetikti jaqsy jumys istetedi. Al massaj jasatýdy usyný - qiyn. Pnevmoniia kezinde massaj qanshalyqty jaqsy áser etetini belgisiz», - deidi ol.
