Soltústik Koreia astanasy Phenianda búgin memleket negizin qalaýshy Kim Ir Senniń týǵanyna 105 jyl tolý qurmetine ótkizilgen áskeri parad kezinde alǵash ret jańa qurlyqaralyq ballistikalyq zymyrandar úlgileri kórsetildi.
«Tramp ákimshiligi óristetip otyrǵan áskeri baibalam eleýsiz qaldyrýǵa bolmaityn qaýipti shegine jetti» dep málimdegen Soltústik Koreia memlekettik aqparat agenttigi.
Bul arada Vashington Soltústik Koreianyń is-áreketine qatysty «strategiialyq shydamdylyq» taýsylǵany jaily málimdedi. «Biz Soltústik Koreia jaǵalaýyna qýatty armada jiberemiz» degen AQSh prezidenti Donald Tramp Fox Business Network kompaniiasyna suhbatynda. Ol Soltústik Koreia basshysy Kim Chen Yn rejimi oqtyn-oqtyn ótkizip kele jatqan iadrolyq qarý men zymyran synaqtaryn "úlken qatelik jáne BUU-nyń halyqaralyq sanktsiialaryn buzý dep ataǵan.
Kim Chen Ynnyń jaqyn serigi, Soltústik Koreia syrtqy saiasat mekemesiniń jetekshisi Phenian ózine qarsy áskeri is-qimyldy jaýapsyz qaldyrmaidy jáne iadrolyq soqqyǵa týra sondai soqqymen jaýap beredi dep málimdegen.
Buǵan deiin Qytai biligi «Korei túbegindegi janjal kez kelgen sátte lap ete qalýy múmkin» dep eskertken.
Azattyq
