Búgin Beijińde ótip jatqan Olimpiia oiyndarynda biatlonnan áielder arasyndaǵy sprint jarysynda Belarýs atynan synǵa túsip júrgen qazaq qyzy Dinara Álimbekova júldeden tys qaldy, dep habarlaidy QazAqparat.
Degenmen ol áielder arasynda biatlonnan 7,5 shaqyrymdyq sprintten TOP-15 sportshynyń qataryna endi.
Atalǵan synda jerlesimiz Galina Vishnevskaia-Sheporenko máre syzyǵyn 52-shi bolyp kelgenin jazǵan bolatynbyz.
Atalǵan básekede Belarýs quramasynyń atynan synǵa túsip júrgen qandasymyz Dinara Álimbekova chempionnan (+1:28,5) bir jarym minýt keshigip, jalpy esepte 15-shi orynǵa taban tiredi.
Esterińizde bolsa, Dinara Álimbekova osydan tórt jyl buryn Ońtústik Koreianyń Phenchan qalasynda ótken Olimpiadada chempion atanǵan bolatyn.
Onda ol chempiondyq ataqqa biatlonnan áielder arasyndaǵy 4h6 shaqyrymdyq estafeta jarysynda qol jetkizgen edi.
Sol tusta Belarýs quramasynda Dinara Álimbekovamen birge Nadejda Skardino, Irina Krivko jáne Daria Domracheva esimdi sportshylar synǵa tústi.
Dinara Álimbekovanyń ákesi – qazaq, aty – Talǵat. Sheshesi – belarýs.
Dinara 1996 jyly 5 qańtarda Qaraǵandy qalasynyń irgesindegi Abai aýdanynda dúniege kelgen.
Úsh jasynda Belarýs eline qonys aýdarǵan sportshy qyz kishkentai kezinen biatlonmen ainalysady.
