Foto: elements.envato.com
Saýda jáne integratsiia ministrligi «piiaz eksportyna tyiym salý saldarynan ónimniń jartysy shirip ketti» degen aqparatty joqqa shyǵardy, dep habarlaidy QazAqparat.
«Ótken jyly elimizde 1 mln 100 tonna piiaz óndirildi. Onyń ishinde 900 myń tonna piiaz eksporttaldy. Ótken aptada piiaz óndirýshilermen kezdesip, qansha ónim qalǵanyn suradym. Olardyń málimetine sáikes, 100 myń tonna piiaz qaldy. Sondyqtan, «otandyq óndirýshilerdiń piiazy shirip ketti, dalaǵa tastaldy» degen jalǵan aqparat», - dedi saýda jáne integratsiia birinshi vitse-ministri Arman Shaqqaliev ortalyq kommýnikatsiialar qyzmeti alańynda ótken baspasóz máslihatynda.
Odan ári piiaz eksportyna qatysty Saýda jáne integratsiia ministrligi saýda komiteti tóraǵasynyń mindetin atqarýshy Aidar Ábildabekov tolyqtyrdy.
«Men biyl aqpanda piiaz óndirýshi eki iri kásiporynǵa bardym, olar – Jambyl oblysyndaǵy Qordai jáne Shý aýdanynda. Qoimalarda 80-90% piiaz boldy, araǵa bir ai salyp naýryzda taǵy bardym, piiazdyń 20-30%-y ǵana qalypty. Demek, qalǵany satyldy degen sóz. «Óndirilgen piiazdyń jartysy shirip ketti» degen shyndyqqa janaspaidy. Jalpy, piiaz máselesi buǵan deiin memleketaralyq komissiia jáne jergilikti ákimdiktermen birlesip qaraldy. Qoimalardaǵy piiaz qory eki ret tekserildi», - deidi saýda komitetiniń basshysy.
