Biylǵy Ramazan aiynda jinalatyn pitir-sadaqadan túsken qarajat qaida jumsalady? Bul suraqqa Ortalyq kommýnikatsiialar qyzmetinde ótken baspasóz máslihatynda Qazaqstan Musylmandary dini basqarmasynyń baspasóz hatshysy Aǵabek Qonarbaiuly jaýap berdi, dep habarlaidy "Ult aqparat".
«Jýyrda elimizdiń Bas múftii - Serikbai qajy Oraz musylman qaýymǵa úlken úndeý jariialady. Úndeýdiń negizgi mátini - jaqsylyqtan jarysaiyq. Rasynda da, Ramazan -qaiyrymdylyq pen jaqsylyqtyń úlken merekesi. Árbir jasalǵan jaqsylyq birneshe ese saýap bolyp jazylady. Bizdiń meshittiń Aqyldastar alqalary Ramazan aiynyń aldynda kásip ielerine - dúken ielerine ótinish jasady. Qasietti aida araq-sharap satylmasa, dúken sórelerinen alynyp tastalsa, azyq-túlikterge 10 paiyz jeńildik jasalsa, qoǵamdyq kólikterde jeńildik jasalsa degen uran tastadyq. Buǵan qulaq asyp jatqandar bar. Jýyrda Áziret Sultan meshitiniń janynan arnaiy qoǵamdyq kólikterdiń tegin tasymaldaý júiesin engizdik. Ásirese, keshki taraýyq namazynan keiin úlken aqsaqaldardyń, apalarymyzdyń qoǵamdyq kólikpen úiine tegin jetýine múmkindik bar», - dedi ol.
Aǵabek Qonarbaiulynyń aitýyna qaraǵanda, biylǵy Ramazan aiynyń negizgi úndeýi - kópbalaly otbasylarǵa kómek berý.
«Dini basqarma bir jyldyń kóleminde 15 otbasyǵa úilerdiń kiltin tabystady. Kópbalaly otbasylardyń páter máselesin sheship berýdi jer-jerden surap jatyrmyz. Úndeýimizdi qabyl alǵan kásipkerler habarlasyp, kómek berý nietterin bildirýde. Biyl pitir-sadaqanyń kólemi - 300 teńge. Ony bidai baǵasynyń eń tómengi naryǵymen eseptedik. Eger qaltaly azamattar bolsa, qurmanyń, unnyń baǵasymen berýge bolady. Bul - eń tómengi mólsherleme. Jan basyna shaqqanda 300 teńgeden beremiz. Osy pitir sadaqanyń esebinen muqtaj kisilerge kómektessek deimiz. Meshitterdiń janynan arnai komissiia qurylady. Sol komissiialardyń sheshimimen muqtaj jandarǵa pitir-sadaqanyń esebinen kómek kórsetiledi», - deidi QMBD baspasóz hatshysy.
Aǵabek Qonarbaiulynyń aitýynsha, pitir-sadaqadan túsken qarajatqa kópbalaly otbasylarǵa, jetimderge, qaraýsyz qariialarǵa, asyraýshysy joq azamattarǵa qoldaý kórsetiledi.
«Árbir ákimdiktiń janynda tizim bar. Sol tizim boiynsha biz muqtaj jandardyń úiine qajetti zattardy nemese qarajatty tabystaimyz. Sonymen qatar, ol qarjy meshitterdiń kommýnaldyq shyǵyndaryna jumsalady», - deidi ol.
Aita ketsek, búgin Islam álemi úshin qasietti, berekege toly, on eki aidyń sultany sanalatyn Ramazan aiy bastaldy. Oraza 6 mamyrdan 5 maýsymǵa deiin jalǵasady.
