Bilim jáne ǵylym mnistriniń buiryǵymen dissertatsiialyq keńes pen dissertatsiia qorǵaý erejelerine ózgerister engizildi, dep habarlaidy QazAqparat.
Vedomstvonyń apparat mádilisinde Bilim jáne ǵylym salasyndaǵy baqylaý komitetiniń tóraiymy Gúlzat Kóbenova osyndai málimet berdi.
«Ǵylymi kadrlardy daiarlaý jáne PhD dárejesin berý ózekti máselelerdiń biri bolyp tabylady. Sarapshylardyń pikirinshe, PhD-doktorantýra baǵdarlamasy 10 jyldan astam ýaqyttan beri júzege asyrylyp kele jatqanyna qaramastan, qorǵaý mehanizmi kandidattyq dissertatsiialardy qorǵaý formatynda qalyp qoiǵan», - deidi komitetbasshysy.
Maman joǵary oqý oryndarynyń janynan qurylǵan dissertatsiialyq keeńester óz jumysynda formaldylyqqa jii baratynyn aitady.
«Dissertatsiialyq keńesterdiń qyzmetin taldaý nátijesinde birqatar problema anyqtaldy. Onyń ishinde qorǵaý jáne retsenziialaý rásimderiniń formaldy túrde ótýi, dissertatsiialyq keńes jaýapkershiliginiń tómendeýi siiaqty máseleler bar. Dissertatsiianyń mazmuny boiynsha mańyzdy eskertýler bolsa da, PhD dárejesi berilip otyr.
Sarapshylarmen birneshe ret talqylap, halyqaralyq tájiribeni eskere otyryp, dissertatsiialyq keńes pen dissertatsiiany qorǵaý erejelerine ózgerister engizildi», - dedi Gúlzat Kóbenova.
