بٸلٸم جەنە عىلىم منيسترٸنٸڭ بۇيرىعىمەن ديسسەرتاتسييالىق كەڭەس پەن ديسسەرتاتسييا قورعاۋ ەرەجەلەرٸنە ٶزگەرٸستەر ەنگٸزٸلدٸ, دەپ حابارلايدى قازاقپارات.
ۆەدومستۆونىڭ اپپارات مەدٸلٸسٸندە بٸلٸم جەنە عىلىم سالاسىنداعى باقىلاۋ كوميتەتٸنٸڭ تٶرايىمى گٷلزات كٶبەنوۆا وسىنداي مەلٸمەت بەردٸ.
«عىلىمي كادرلاردى دايارلاۋ جەنە PhD دەرەجەسٸن بەرۋ ٶزەكتٸ مەسەلەلەردٸڭ بٸرٸ بولىپ تابىلادى. ساراپشىلاردىڭ پٸكٸرٸنشە, PhD-دوكتورانتۋرا باعدارلاماسى 10 جىلدان استام ۋاقىتتان بەرٸ جٷزەگە اسىرىلىپ كەلە جاتقانىنا قاراماستان, قورعاۋ مەحانيزمٸ كانديداتتىق ديسسەرتاتسييالاردى قورعاۋ فورماتىندا قالىپ قويعان», - دەيدٸ كوميتەتباسشىسى.
مامان جوعارى وقۋ ورىندارىنىڭ جانىنان قۇرىلعان ديسسەرتاتسييالىق كەەڭەستەر ٶز جۇمىسىندا فورمالدىلىققا جيٸ باراتىنىن ايتادى.
«ديسسەرتاتسييالىق كەڭەستەردٸڭ قىزمەتٸن تالداۋ نەتيجەسٸندە بٸرقاتار پروبلەما انىقتالدى. ونىڭ ٸشٸندە قورعاۋ جەنە رەتسەنزييالاۋ رەسٸمدەرٸنٸڭ فورمالدى تٷردە ٶتۋٸ, ديسسەرتاتسييالىق كەڭەس جاۋاپكەرشٸلٸگٸنٸڭ تٶمەندەۋٸ سيياقتى مەسەلەلەر بار. ديسسەرتاتسييانىڭ مازمۇنى بويىنشا ماڭىزدى ەسكەرتۋلەر بولسا دا, PhD دەرەجەسٸ بەرٸلٸپ وتىر.
ساراپشىلارمەن بٸرنەشە رەت تالقىلاپ, حالىقارالىق تەجٸريبەنٸ ەسكەرە وتىرىپ, ديسسەرتاتسييالىق كەڭەس پەن ديسسەرتاتسييانى قورعاۋ ەرەجەلەرٸنە ٶزگەرٸستەر ەنگٸزٸلدٸ», - دەدٸ گٷلزات كٶبەنوۆا.
