Sýret ashyq derekkózden alyndy
Petropavldyq otbasynyń paidalanǵan sý úshin qaryzy 800 myń teńgege jetken. Sýmen qamtityn kompaniia sottyń sheshimimen boryshkerlerge qatań shara qoldana bastady, dep habarlaidy QazAqparat portaly.
«Petropavl Sý» JShS baspasóz qyzmetiniń málimetinshe, Petropavl turǵyndary sýmen qamtýshy kompaniiaǵa 30 mln teńgege jýyq soma qaryz. Bir otbasynyń bereshegi 800 myń teńgege jetken. Osylaisha olar shamamen 20 jyldai paidalanǵan sý úshin kommýnaldyq aqy tólemegen.
«Aiyna ortasha 3,5 myń teńge shyǵady. Qanshama eskertkenimizben qaryzdan qutylýǵa tyryspady. Endi ol páterge kárizdik biteýish qoiylady. Jalpy mundai qatań shara qoldanbas buryn 30 kún buryn eskertip, tutynýshyǵa habarlama jiberemiz. Eger osy aralyqta qaryzdy tólemese, sottyń sheshimimen kárizdik qubyrǵa biteýish salynady. Ádette mundai sharany bereshegi 15 myń teńgeden asyp ketkende qoldanamyz. Tólegen jaǵdaida biteýishti aqsha tólep alǵyzady», - deidi kásiporynnyń tutynýshylarmen jumys boiynsha bólim basshysy Nurgúl Samalyqova.
Mamandardyń aitýynsha, biteýish qoiǵannan keiin ǵana turǵyndar qaryzdan qutylýǵa tyrysady.
Al jalpy Petropavlda qazir 500-den astam abonent qasaqana tólemeýshi retinde sýmen qamtityn kompaniianyń esebinde tur.
