سۋرەت اشىق دەرەككٶزدەن الىندى
پەتروپاۆلدىق وتباسىنىڭ پايدالانعان سۋ ٷشٸن قارىزى 800 مىڭ تەڭگەگە جەتكەن. سۋمەن قامتيتىن كومپانييا سوتتىڭ شەشٸمٸمەن بورىشكەرلەرگە قاتاڭ شارا قولدانا باستادى, دەپ حابارلايدى قازاقپارات پورتالى.
«پەتروپاۆل سۋ» جشس باسپاسٶز قىزمەتٸنٸڭ مەلٸمەتٸنشە, پەتروپاۆل تۇرعىندارى سۋمەن قامتۋشى كومپانيياعا 30 ملن تەڭگەگە جۋىق سوما قارىز. بٸر وتباسىنىڭ بەرەشەگٸ 800 مىڭ تەڭگەگە جەتكەن. وسىلايشا ولار شامامەن 20 جىلداي پايدالانعان سۋ ٷشٸن كوممۋنالدىق اقى تٶلەمەگەن.
«ايىنا ورتاشا 3,5 مىڭ تەڭگە شىعادى. قانشاما ەسكەرتكەنٸمٸزبەن قارىزدان قۇتىلۋعا تىرىسپادى. ەندٸ ول پەتەرگە كەرٸزدٸك بٸتەۋٸش قويىلادى. جالپى مۇنداي قاتاڭ شارا قولدانباس بۇرىن 30 كٷن بۇرىن ەسكەرتٸپ, تۇتىنۋشىعا حابارلاما جٸبەرەمٸز. ەگەر وسى ارالىقتا قارىزدى تٶلەمەسە, سوتتىڭ شەشٸمٸمەن كەرٸزدٸك قۇبىرعا بٸتەۋٸش سالىنادى. ەدەتتە مۇنداي شارانى بەرەشەگٸ 15 مىڭ تەڭگەدەن اسىپ كەتكەندە قولدانامىز. تٶلەگەن جاعدايدا بٸتەۋٸشتٸ اقشا تٶلەپ العىزادى», - دەيدٸ كەسٸپورىننىڭ تۇتىنۋشىلارمەن جۇمىس بويىنشا بٶلٸم باسشىسى نۇرگٷل سامالىقوۆا.
مامانداردىڭ ايتۋىنشا, بٸتەۋٸش قويعاننان كەيٸن عانا تۇرعىندار قارىزدان قۇتىلۋعا تىرىسادى.
ال جالپى پەتروپاۆلدا قازٸر 500-دەن استام ابونەنت قاساقانا تٶلەمەۋشٸ رەتٸندە سۋمەن قامتيتىن كومپانييانىڭ ەسەبٸندە تۇر.
