Petropavlda bolǵan jarylystan zardap shekkenderdiń úsheýi jansaqtaý bóliminde jatyr, jaǵdailary aýyr, dep habarlaidy "Ult aqparat".
Soltústik Qazaqstan oblysy densaýlyq saqtaý basqarmasy baspasóz qyzmetiniń málimetinshe, Petropavlda bolǵan jarylystan 16 adam zardap shegip, aýrýhanalarǵa jetkizildi. Olardyń bireýi – 24 jastaǵy jigit qalalyq kópbeiindi aýrýhanada qaitys boldy. Qazir bul emdeý mekemesinde 20 jastaǵy qyz jansaqtaý bólimshesinde jatyr. Jaǵdaiy nashar. Bes adam ambýlatorlyq emdelýge úilerine jiberildi. Em alyp jatqan taǵy altaýynyń jaǵdaiy ortasha.
«10 jasar bala oblystyq balalar aýrýhanasyna tústi. Onyń da jaǵdaiy ortasha. 1997 jyly týǵan eki er adam oblystyq kópbeiindi aýrýhananyń jansaqtaý bóliminde jatyr, jaǵdailary aýyr. Jalpy zardap shekkenderdiń ortasha jasy 20-25 aralyǵynda. Eń eresegi – 43 jasta», - deidi SQO densaýlyq saqtaý basqaramasynyń baspasóz hatshysy Gúlnar Sailaýqyzy.
Esterińizde bolsa, 21 aqpan kúni Petropavldaǵy 5 qabatty úidiń birinshi qabatynda aldyn ala boljam boiynsha gaz ballony jarylyp, arty órtke ulasqan edi.
Bir adamnyń denesi úiindi astynan tabylyp, ekinshisi aýrýhanada kóz jumdy.
Bul oqiǵa boiynsha qylmystyq is qozǵalyp, SQO prokýrory tergeý barysyn óz baqylaýyna aldy.
