پەتروپاۆلدا بولعان جارىلىستان زارداپ شەككەندەردٸڭ ٷشەۋٸ جانساقتاۋ بٶلٸمٸندە جاتىر, جاعدايلارى اۋىر, دەپ حابارلايدى "ۇلت اقپارات".
سولتٷستٸك قازاقستان وبلىسى دەنساۋلىق ساقتاۋ باسقارماسى باسپاسٶز قىزمەتٸنٸڭ مەلٸمەتٸنشە, پەتروپاۆلدا بولعان جارىلىستان 16 ادام زارداپ شەگٸپ, اۋرۋحانالارعا جەتكٸزٸلدٸ. ولاردىڭ بٸرەۋٸ – 24 جاستاعى جٸگٸت قالالىق كٶپبەيٸندٸ اۋرۋحانادا قايتىس بولدى. قازٸر بۇل ەمدەۋ مەكەمەسٸندە 20 جاستاعى قىز جانساقتاۋ بٶلٸمشەسٸندە جاتىر. جاعدايى ناشار. بەس ادام امبۋلاتورلىق ەمدەلۋگە ٷيلەرٸنە جٸبەرٸلدٸ. ەم الىپ جاتقان تاعى التاۋىنىڭ جاعدايى ورتاشا.
«10 جاسار بالا وبلىستىق بالالار اۋرۋحاناسىنا تٷستٸ. ونىڭ دا جاعدايى ورتاشا. 1997 جىلى تۋعان ەكٸ ەر ادام وبلىستىق كٶپبەيٸندٸ اۋرۋحانانىڭ جانساقتاۋ بٶلٸمٸندە جاتىر, جاعدايلارى اۋىر. جالپى زارداپ شەككەندەردٸڭ ورتاشا جاسى 20-25 ارالىعىندا. ەڭ ەرەسەگٸ – 43 جاستا», - دەيدٸ سقو دەنساۋلىق ساقتاۋ باسقاراماسىنىڭ باسپاسٶز حاتشىسى گٷلنار سايلاۋقىزى.
ەستەرٸڭٸزدە بولسا, 21 اقپان كٷنٸ پەتروپاۆلداعى 5 قاباتتى ٷيدٸڭ بٸرٸنشٸ قاباتىندا الدىن الا بولجام بويىنشا گاز باللونى جارىلىپ, ارتى ٶرتكە ۇلاسقان ەدٸ.
بٸر ادامنىڭ دەنەسٸ ٷيٸندٸ استىنان تابىلىپ, ەكٸنشٸسٸ اۋرۋحانادا كٶز جۇمدى.
بۇل وقيعا بويىنشا قىلمىستىق ٸس قوزعالىپ, سقو پروكۋرورى تەرگەۋ بارىسىن ٶز باقىلاۋىنا الدى.
