Petropavldaǵy tehnikalyq qyzmet kórsetý ortalyqtarynyń birinde jarylys bolyp, 9 adam zardap shekti, - dep habarlaidy Tengrinews.kz agenttigi Petropavlovsk.news basylymyna silteme jasap.
Basylym málimetinshe, oqiǵa beinebaqylaý kameralaryna túsip qalǵan.
Soltústik Qazaqstan oblysy Tótenshe jaǵdailar departamenti 17 qarashada saǵat 16:16-da Petropavl qalasy, Gashek kóshesinde ornalasqan TQO-nyń birinde jarylys bolǵany týraly aqparat kelip túsken.
"Jeńil kólikke ornatylǵan gaz ballony jarylǵan. 101 qyzmetine saǵat 16 kezinde shaqyrtý tústi. Ártúrli dene jaraqatyn alǵan 9 adam "Jedel járdem" kóligimen emdeý mekemelerine jetkizildi. Oqiǵa ornyna jedel jetken órtsóndirýshiler 100 sharshy metr aýmaqqa jaiylǵan qyzyl jalyndy aýyzdyqtady. Tilsiz jaýmen kúreske oblystyq Tótenshe jaǵdailar departamenti órt sóndirý qyzmetiniń 43 mamany men 10 tehnikasy jumyldyryldy. Qaza tapqandar joq", - deidi Soltústik Qazaqstan oblystyq Tótenshe jaǵdailar departamentiniń baspasóz qyzmeti.
