Petropavldaǵy kottedjderdiń birinde saýyq keshin uiymdastyrǵandar da, oǵan qatysqandar da – barlyǵy 40 shaqty adam ákimshilik jaýapkershilikke tartyldy, dep habarlaidy "Ult aqparat".
Soltústik Qazaqstan oblysy politsiia departamenti baspasóz qyzmetiniń málimetinshe, túngi saǵat 2.00 shamasynda turǵyndar «102»-ge N ovatornaia, 4 mekenjaiyndaǵy jastardyń shýyna qatysty qońyraý shalǵan.
Shaqyrtýǵa birden avtopatrýlder attanyp, politseiler jastardyń saýyǵynyń ústinen túsken. Spirttik ishimdik ishken olar shýlap, tynyshtyqty buzyp, kórshilerdiń mazasyn alǵan.
Aýmaǵynda monshasy bar jalǵa berilgen eki qabatty kottedjde politseiler 42 adamdy ustady, olardyń 12-si jasóspirim. Jastardyń kópshiligi bul jiynǵa «Instagramm» áleýmettik jelisinde jariialanǵan shaqyrtýmen kelgen eken.
Jasóspirimderdiń barlyǵy Petropavl qalalyq politsiia basqarmasyna jetkizildi. Olardyń ata-analaryna balalarynyń beimezgil ýaqytta júrgeni úshin jáne karantin talaptaryn buzýǵa qatysty eki ákimshilik hattama toltyryldy. Al úsh ata-ana 18-ge
tolmaǵan balalarynyń qoǵamdyq orynda mas bolǵany úshin de jaýap bermek.
Saýyq keshinde bolǵan barlyq eresekterge karantin talaptaryn buzýǵa qatysty ákimshilik material jinaldy. Taǵy 14 adamǵa tynyshtyqty buzǵany úshin hattama toltyryldy.
«Kottedj ieleri zańsyz kásipkerlikpen ainalysqany úshin jaýapqa tartylady. Óz baspanasyn osyndai toi-tomalaqqa jalǵa beretinderdiń saldarynan olardyń kórshileri zardap shegedi. Qazir qalalyq pablikterde úilerin osylaisha jalǵa beretinder kóbeidi. Biz olardy tekseretin bolamyz. Al bul oqiǵa basqa ata-analarǵa sabaq bolady dep oilaimyn. Eń aldymen balalarynyń qaýipsizdigi úshin olardyń qaida júrgenin bilip otyrýlary kerek», - deidi SQO PD bastyǵy Marat Tólebaev.
Eki qabatty úidiń iesi 1972 jyly týǵan Petropavl turǵyny. Oǵan qatysty memlekettik kirister basqarmasyna tiisti habarlama jiberildi. Al jalǵa berilgen kottedjdiń ákimgeri, 1991 jyly týǵan kelinshek mas bolǵan, politsiiaǵa jóndi eshteńe aita almaǵan. Shý shyǵarǵan ári qarsylyq bildirgen ol ýaqytsha beiimdeý jáne detoksikatsiia ortalyǵyna ornalastyryldy. Áiel de karantin talabyn buzǵany úshin jaýap beretin bolady.
