Petropavlda eki ǵimarat sottyń úkimimen tárkilenip, kommýnaldyq menshikke ótti, dep habarlaidy "Ult aqparat".
Memleket menshigine ótken eki ǵimarat ta Petropavldyń ortalyq kóshelerinde ornalasqan. Onyń bireýinde buryn bank filialy, keiin balalar ortalyǵy ornalasty. Al ekinshisi burynǵy «Ainalaiyn» dámhanasy. Bos turǵan eki ǵimarat ta sottyń úkimimen tárkilendi.
«Sot úkim shyǵarǵannan keiin bul ǵimarattar bizge – memlekettik múlik departamentine ótedi. Biz tizimdep, qabyldap, múlikti táýelsiz kompaniiaǵa baǵalatamyz. Keiin ony kimge beretinimizdi sheshemiz. Eń alymen memlekettik organdarǵa usynylady. Komissiia ótinishterdi qarap, qajetine qarai ǵimaratty berýge sheshim shyǵarady», - deidi SQO Memlekettik múlik jáne jekeshelendirý departamentiniń basshysy Aman Tóregeldin.
M.Jumabaev kóshesindegi ǵimarat №3 qalalyq emhananyń kommýnaldyq menshigine berildi. Aýmaǵy shamamen 700 sharshy metr bolatyn ǵimaratta endi jastardyń densaýlyq ortalyǵy jáne ambýlatoriia ornalaspaq. Shamamen 10 myń adamǵa qyzmet kórsetiledi. Mamandardyń aitýynsha, meditsinalyq mekemede ýchaskelik terapevt, emdeý jáne profilaktikalyq kabinetter, klinikalyq-diagnostikalyq zerthana jumys isteidi. Jastar úshin qosymsha trenajer zaly men ýaqytty tiimdi ótkizýge múmkindik beretin ortalyqtar ashylmaq.
Ekinshi ǵimarat Qazaqstan Konstitýtsiiasy kóshesinde ornalasqan burynǵy dámhananyń ǵimaraty. Onyń aýdany 300 sharshy metrden artyq. Ol SQO Mádeniet, tilderdi damytý jáne arhiv isi basqarmasynyń murajai birlestigine berildi. Jospar boiynsha munda kúrdeli jóndeýden keiin zamanaýi sýret galereiasy ashylmaq.
