پەتروپاۆلدا ەكٸ عيمارات سوتتىڭ ٷكٸمٸمەن تەركٸلەنٸپ, كوممۋنالدىق مەنشٸككە ٶتتٸ, دەپ حابارلايدى "ۇلت اقپارات".
مەملەكەت مەنشٸگٸنە ٶتكەن ەكٸ عيمارات تا پەتروپاۆلدىڭ ورتالىق كٶشەلەرٸندە ورنالاسقان. ونىڭ بٸرەۋٸندە بۇرىن بانك فيليالى, كەيٸن بالالار ورتالىعى ورنالاستى. ال ەكٸنشٸسٸ بۇرىنعى «اينالايىن» دەمحاناسى. بوس تۇرعان ەكٸ عيمارات تا سوتتىڭ ٷكٸمٸمەن تەركٸلەندٸ.
«سوت ٷكٸم شىعارعاننان كەيٸن بۇل عيماراتتار بٸزگە – مەملەكەتتٸك مٷلٸك دەپارتامەنتٸنە ٶتەدٸ. بٸز تٸزٸمدەپ, قابىلداپ, مٷلٸكتٸ تەۋەلسٸز كومپانيياعا باعالاتامىز. كەيٸن ونى كٸمگە بەرەتٸنٸمٸزدٸ شەشەمٸز. ەڭ الىمەن مەملەكەتتٸك ورگاندارعا ۇسىنىلادى. كوميسسييا ٶتٸنٸشتەردٸ قاراپ, قاجەتٸنە قاراي عيماراتتى بەرۋگە شەشٸم شىعارادى», - دەيدٸ سقو مەملەكەتتٸك مٷلٸك جەنە جەكەشەلەندٸرۋ دەپارتامەنتٸنٸڭ باسشىسى امان تٶرەگەلدين.
م.جۇماباەۆ كٶشەسٸندەگٸ عيمارات №3 قالالىق ەمحانانىڭ كوممۋنالدىق مەنشٸگٸنە بەرٸلدٸ. اۋماعى شامامەن 700 شارشى مەتر بولاتىن عيماراتتا ەندٸ جاستاردىڭ دەنساۋلىق ورتالىعى جەنە امبۋلاتورييا ورنالاسپاق. شامامەن 10 مىڭ ادامعا قىزمەت كٶرسەتٸلەدٸ. مامانداردىڭ ايتۋىنشا, مەديتسينالىق مەكەمەدە ۋچاسكەلٸك تەراپەۆت, ەمدەۋ جەنە پروفيلاكتيكالىق كابينەتتەر, كلينيكالىق-دياگنوستيكالىق زەرتحانا جۇمىس ٸستەيدٸ. جاستار ٷشٸن قوسىمشا ترەناجەر زالى مەن ۋاقىتتى تيٸمدٸ ٶتكٸزۋگە مٷمكٸندٸك بەرەتٸن ورتالىقتار اشىلماق.
ەكٸنشٸ عيمارات قازاقستان كونستيتۋتسيياسى كٶشەسٸندە ورنالاسقان بۇرىنعى دەمحانانىڭ عيماراتى. ونىڭ اۋدانى 300 شارشى مەتردەن ارتىق. ول سقو مەدەنيەت, تٸلدەردٸ دامىتۋ جەنە ارحيۆ ٸسٸ باسقارماسىنىڭ مۇراجاي بٸرلەستٸگٸنە بەرٸلدٸ. جوسپار بويىنشا مۇندا كٷردەلٸ جٶندەۋدەن كەيٸن زاماناۋي سۋرەت گالەرەياسى اشىلماق.
