SQO-daǵy "Halyq Keńesi" tobyna qatysýshylardyń jinalysy týraly áleýmettik jelilerdegi habar boiynsha 2023 jylǵy 30 naýryzda Ulttyq qaýipsizdik Komitetiniń Soltústik Qazaqstan oblysy boiynsha Departamentimen separatizm deregimen sotaldy tergep-tekserý bastaldy, - dep habarlaidy "Ult aqparat" óńir prokýratýrasynyń baspasóz qyzmetine silteme jasap.
"30 naýryzda oblys prokýratýrasynyń nusqaýy boiynsha Ultyq qaýipsizdik komiteti departamentiniń, Politsiia departamentiniń, Ekonomikalyq tergeý departamentiniń, oblystyń Sybailas jemqorlyqqa qarsy qyzmeti qyzmetkerlerinen vedomstvoaralyq jedel-tergeý toby quryldy, protsestik prokýrorlar taǵaiyndaldy.
Tergeý barysynda Petropavl qalasynda 2023 jylǵy 19 naýryzda Soltústik Qazaqstan ýniversitetiniń kolledj ǵimaratynda "Halyq Keńesi" tobyna qatysýshylar oblys ortalyǵynyń 20 azamatynan turatyn toptyń jinalysy ótkendigi, olar ózderin Keńes Sotsialistik Respýblikalar Odaǵynyń izbasarlary dep kózqarastaryn bildirgendikteri belgili boldy" - delingen vedomstvo habarlamasynda.
Jinalys barysynda olar Qazaqstan Respýblikasynan táýelsiz Petropavl qalasynyń Halyq Keńesin qurý týraly tilekterin bildirgen jáne "Soltústik Qazaqstan oblysy Petropavl qalasynyń Halyq Keńesi Deklaratsiiasyn" qabyldaǵan, onda olar Qazaqstannyń memleket qurý zańdylyǵyn jáne legitivtigin moiyndamaǵan, onyń Konstitýtsiialyq qurylysyn buzýǵa qol suǵa otyra onyń táýelsizdigin, jeriniń tutastyǵyn joqqa shyǵaryp otyr.
Sotaldy tergep-tekserý barysynda is úshin máni bar kóptegen tergeý sharalary júrgizilip, onyń ishinde ártúrli saraptamalyq zertteýler taǵaiyndalǵan. Saiasattanýshy men basqa da mamandardyń qatysýymen komissiialyq sot psihologiialyq-filologiialyq saraptamanyń qorytyndylaryna sáikes separatizm belgileri anyqtalǵan.
Qylmystyq istiń jinalǵan materialdary negizinde "Halyqtyq keńestiń" úsh múshesiniń áreketteri Qazaqstan Respýblikasy Qylmystyq kodeksiniń 180-baby 2-bóligi boiynsha Qazaqstan Respýblikasynyń birtutastyǵy men tutastyǵyn ydyratýdy nasihattaý nemese oǵan jariia túrde buqaralyq aqparat quraldaryn jáne telebailanys jelilerin shaqyrýmen materialdardy taratý jáne Qylmystyq kodekstiń 179-baby boiynsha memlekettiń qaýipsizdigin ydyratýdy úgitteý boiynsha saraptalǵan.
"Bul tulǵalar Qazaqstan Respýblikasy Qylmystyq-protsestik Kodeksiniń 128-baby tártibinde ustaldy jáne ýaqytsha ustaý izoliatoryna qamaldy.
Atalǵan baptyń sanktsiiasymen on jylǵa deiingi merzimge bas bostandyǵyn aiyrý túrinde balamasyz jazalaý qarastyrylǵan.
Qazaqstan Respýblikasy Qylmystyq-protsestik kodeksiniń 201-babyna sáikes basqa aqparat jariialaýǵa jatpaidy. Qazirgi ýaqytta tergeý áreketteri jalǵasýda jáne jinalysqa qatysqan basqa tulǵalarǵa qatysty obektivti jáne jan-jaqty quqyqtyq baǵa beriletin bolady. Oblys prokýratýrasymen sotqa deiingi tergep-tekserý barysy erekshe baqylaýǵa alynǵan" - delingen habarlamada.
