Petropavl politsiia basqarmasynyń qyzmetkerleri áleýmettik jelide taraǵan videodaǵy er adamdy anyqtady, dep habarlaidy "Ult aqparat" Polisia.kz Telegram-arnasyna silteme jasap.
Oqiǵa 15 qazanda tańerteń bolǵan.
"Ǵabit Músirepov aýdanynyń 38 jastaǵy turǵyny bir kún buryn jumystarymen Petropavl qalasyna kelip, Áýezov kóshesindegi úilerdiń biriniń ekinshi qabatynan páter jaldap turǵan. Onyń aitýynsha, ol páterde jalǵyz bolǵan jáne ishimdik ishken. Temeki shegý úshin balkonǵa shyqqan er adam tepe-teńdigin joǵaltyp, dúkenniń baspaldaǵyna qulaǵan. Biraz ýaqyttan keiin esin jiyp, páterge oralǵan. Onyń eshkimge aryz-talaby joq, meditsinalyq kómekke júgingen joq", - dedi Petropavl qalalyq PB jergilikti politsiia qyzmeti bólimi bastyǵynyń orynbasary Seiilbek Eljasov.
Sol kúni tús aýa er adam avtobýspen aman-esen úiine ketken. Qazirgi ýaqytta jaǵdaiy jaqsy.
