Petropavlda sý qubyry zaqymdanyp, qalany jeliden ajyratýǵa týra keldi, dep habarlaidy QazAqparat.
Petropavldaǵy Internatsional kóshesin áp-sátte sý basty. Áleýmettik jelide taraǵan beinejazbalardan sýdyń qatty aǵysyn kórýge bolady. Turǵyndar qalanyń ár aýdanynda sýdyń toqtatylǵanyn aityp jatyr.
«Qyzyljar sý» JShS baspasóz qyzmetiniń málimetinshe, Jumabaev-Abai kóshelerindegi ýchaskede diametri 800 mm sý qubyry zaqymdanǵan. Qazirgi ýaqytta osy apat bolǵan ýchaskede sýdy sóndirý jumystary júrgizilip jatyr.
«Qalaǵa baratyn sýdyń qysymyn ýaqytsha tómendetýge týra keldi. Bir saǵattan keiin ol qalpyna keltiriledi. Biraq, sý qubyry zaqymdanǵan ýchaskedegi 10 kóp qabatty úige sý tek bir táýlikten keiin ǵana, apattyń saldary joiylǵannan soń berilmek», - dedi kásiporynnyń baspasóz hatshysy Indira Qalieva.
Petropavl qalalyq turǵyn úi-kommýnaldyq sharýashylyǵy, jolaýshylar kóligi jáne avtomobil joldary bóliminiń málimetinshe, jóndeý jumystarynyń júrgizilýine bailanysty M. Jumabaev kóshesindegi № 101, 105, 107, 111, 116 úilerde, Abai kóshesindegi № 25 úide, Internatsional kóshesindegi № 29, 30, 31, 33 úilerde, E. Býketov kóshesindegi № 14, 16, 18 jáne N. Nazarbaev kóshesindegi № 126 úide sý berý ýaqytsha toqtatyldy.
Bul mekenjaida turatyn turǵyndarǵa sý kezekpen jetkizilip jatyr.
Al jalpy, Petropavl qalasynda sýmen qamtýdy qalpyna keltirý jumystary jospar boiynsha 7 qarasha kúni saǵat 18:00-ge deiin aiaqtalmaq.
