Foto: pexels.com
Soltústik Qazaqstan oblystyq kópbeiindi balalar aýrýhanasynda aýyr jaraqatpen jatqan 3 jasar sábi 2,5 aidan keiin qaitys boldy. Bul týraly SQO Densaýlyq saqtaý basqarmasynyń baspasóz qyzmeti habarlady.
Buǵan deiin jansaqtaý bóliminde jatqan bala 28 aqpan kúni kóz jumdy.
Esterińizge salaiyq, byltyr 19 jeltoqsanda Petropavlda 3 jasar balanyń sol jaq kózine pyshaq kirip ketti.
Anasy dárigerlerge balanyń as bólmesinde oryndyqtan qulap, jaraqattanǵanyn aitqan. Sábige ashyq bas-miynyń jaraqaty, aýyr dárejedegi midyń soǵylýy diagnozy qoiyldy. Aýyr halde aýrýhanaǵa túsken bala sol qalpy esin jimady.
SQO Politsiia departamenti osy fakti boiynsha kámeletke tolmaǵan balany tárbieleý jónindegi mindetterdi oryndamaý boiynsha sotqa deiingi tergeý bastady. Alaida bir aptadan keiin, 25 jeltoqsanda qylmystyq is densaýlyqqa abaisyzda ziian keltirý babyna aýystyryldy.
