فوتو: pexels.com
سولتٷستٸك قازاقستان وبلىستىق كٶپبەيٸندٸ بالالار اۋرۋحاناسىندا اۋىر جاراقاتپەن جاتقان 3 جاسار سەبي 2,5 ايدان كەيٸن قايتىس بولدى. بۇل تۋرالى سقو دەنساۋلىق ساقتاۋ باسقارماسىنىڭ باسپاسٶز قىزمەتٸ حابارلادى.
بۇعان دەيٸن جانساقتاۋ بٶلٸمٸندە جاتقان بالا 28 اقپان كٷنٸ كٶز جۇمدى.
ەستەرٸڭٸزگە سالايىق, بىلتىر 19 جەلتوقساندا پەتروپاۆلدا 3 جاسار بالانىڭ سول جاق كٶزٸنە پىشاق كٸرٸپ كەتتٸ.
اناسى دەرٸگەرلەرگە بالانىڭ اس بٶلمەسٸندە ورىندىقتان قۇلاپ, جاراقاتتانعانىن ايتقان. سەبيگە اشىق باس-ميىنىڭ جاراقاتى, اۋىر دەرەجەدەگٸ ميدىڭ سوعىلۋى دياگنوزى قويىلدى. اۋىر حالدە اۋرۋحاناعا تٷسكەن بالا سول قالپى ەسٸن جيمادى.
سقو پوليتسييا دەپارتامەنتٸ وسى فاكتٸ بويىنشا كەمەلەتكە تولماعان بالانى تەربيەلەۋ جٶنٸندەگٸ مٸندەتتەردٸ ورىنداماۋ بويىنشا سوتقا دەيٸنگٸ تەرگەۋ باستادى. الايدا بٸر اپتادان كەيٸن, 25 جەلتوقساندا قىلمىستىق ٸس دەنساۋلىققا ابايسىزدا زييان كەلتٸرۋ بابىنا اۋىستىرىلدى.
