Soltústik Qazaqstan oblysynda bas sanitariialyq dárigerdiń jańa qaýlysy shyqty, dep habarlaidy "Ult aqparat".
SQO sanitariialyq-epidemiologiialyq baqylaý departamenti baspasóz qyzmetiniń málimetinshe, oblystyń bas sanitariialyq dárigeri jańa qaýlyǵa búgin qol qoidy. Qujat 26 jeltoqsan saǵat 00.00-de kúshine enedi.
Jańa qaýlyǵa sáikes halyq kóp jinalatyn is-sharalardy ótkizýge, sonyń ishinde jańajyldyq erteńgilikterdi, merekelik korporativterdi uiymdastyrýǵa tyiym salynady.
Kóńil kóterý oryndarynyń: karaoke, biliard, kompiýter klýbtary men túngi klýbtardyń, kalian oryndarynyń, boýling ortalyqtary men balalardyń oiyn alańdarynyń, býkmekerlik keńselerdiń, akvaparkterdiń jumysy ýaqytsha toqtatylǵanymen, kinoteatrlar ashylmaq. Kinoteatrlar jumys, demalys jáne mereke kúnderi saǵat 10.00-den 24.00-ge deiin ashyq
bolady. Kinozaldardy tek 30 %-ke toltyrýǵa ruqsat etilgen. Kórermender shahmat tártibinde jáne ár eki oryndy bos qaldyryp otyrǵyzylýy tiis.
Karantindik jáne shekteý sharalaryn buzý deregi anyqtalǵan jaǵdaida olar óz jumysyn qaita toqtatady.
Sondai-aq Petropavlda merekege orai 4 negizgi aýdanda balalarǵa arnalyp syrǵanaq jasalatyn boldy. Qalalyq ákimdik ókilderiniń aitýynsha, turǵyndar bul jerde qaýipsizdik sharalaryn saqtaýǵa mindetti.
