Petropavl qalasynda separatizm úshin aiyptalǵan "Halyq keńesiniń" úsh belsendisi eki aiǵa qamaýǵa alyndy, dep habarlaidy "Ult aqparat" Soltústik Qazaqstan oblysynyń prokýratýrasyna silteme jasap.
"2023 jylǵy 20 sáýirde Petropavl qalasynyń mamandandyrylǵan tergeý soty barlyq úsh figýrantqa qatysty 2 ai merzimge "qamaýda ustaý" túrindegi bultartpaý sharasyn sanktsiialady", - delingen habarlamada.
Qylmystyq isti tergeý jalǵasyp jatyr.
Aita keteiik, 18 sáýirde Ulttyq qaýipsizdik komitetiniń SQO boiynsha departamenti "Halyq keńesiniń" úsh múshesi ustalǵanyn habarlaǵan edi.
Olarǵa Qylmystyq kodekstiń 179-baby 2-bóligi boiynsha (qaýipsizdikti ydyratýǵa úgitteý) jáne 180-baby 2-bóligi boiynsha (Qazaqstannyń birtutastyǵy men tutastyǵyn ydyratýdy nasihattaý nemese oǵan jariia túrde buqaralyq aqparat quraldaryn jáne telebailanys jelilerin shaqyrýmen materialdardy taratý) aiyp taǵylyp otyr. Úsheýi de 10 jylǵa bas bostandyǵynan aiyrylýy múmkin.
Tergeý materialdaryna sáikes, 19 naýryzda Soltústik Qazaqstan ýniversitetiniń kolledj ǵimaratynda "Halyq keńesi" tobyna qatysýshylar jinalǵan. Jiynǵa oblys ortalyǵynyń 20 turǵyny keldi. Olar "ózderin Keńes sotsialistik respýblikalar odaǵynyń izbasarlary" dep jariialady.
Jinalys barysynda olar Qazaqstannan táýelsiz Petropavl qalasynyń Halyq keńesin qurý týraly tilekterin bildirgen jáne "Soltústik Qazaqstan oblysy Petropavl qalasynyń Halyq keńesi deklaratsiiasyn" qabyldaǵan. Onda olar Qazaqstannyń memleket qurý zańdylyǵyn jáne legitimdiligin moiyndamaǵan. Onyń Konstitýtsiialyq qurylysyn buzýǵa qol suǵa otyra, táýelsizdigin, jeriniń tutastyǵyn joqqa shyǵaryp otyr.
