Petropavlda 25 jastaǵy boijetken internet-alaiaqtarǵa jem bolyp, depozit shotynda jatqan 1 mln 300 myń teńgesinen airyldy, dep habarlaidy "Ult aqparat".
Soltústik Qazaqstan oblysy Politsiia departamenti baspasóz qyzmetiniń málimetinshe, Petropavl turǵyny OLX arqyly jatyn bólmege arnalǵan jihazdy satpaq bolady. Onyń habarlandyrýy boiynsha bir áiel WhatsApp arqyly habarlasyp, tólem jasaý úshin kartasynyń nómirin suraǵan. Birazdan keiin ol kartaǵa aqsha jiberilmei jatqandyǵyn aityp, basqasyn berýdi suraǵan.
Áiel qurbysynan kómek surap, «satyp alýshy» aqsha aýdarýy úshin kartochkasynyń nómirin berýdi ótinedi. 25 jastaǵy boijetken onyń ótinishin jerge tastamaidy.
«Birazdan soń «satyp alýshy» jábirlenýshimen bailanysqa shyǵyp, kartanyń derektemelerin, tegi, aty, ákesiniń aty, JSN suraidy jáne biraz ýaqyttan keiin onyń telefonyna nómir jazylǵan SMS-habarlama keletinin jáne de oǵan osy nómirlerdi aitýdy suraidy. Keiin depozitten 1 mln 300 myń teńge kóleminde qarajat joǵalǵany anyqtaldy. Al jihazdy satýshynyń kartochkasynda qarajat bolmaǵan, sol sebepti alaiaqtar basqasyn berýdi suraǵan», - deidi Kriminaldyq politsiia basqarmasynyń bastyǵy Petr Klimov.
Alaiaq «jeke tulǵalarǵa arnalǵan internet-banking» jáne «SMS-parolderdi jetkizý» qyzmetterin paidalanyp, jábirlenýshiniń bank shotynan basqa shottarǵa aqsha aýdarǵan. Aqsha joǵalǵannan keiin, qyz aldanǵanyn túsinip, politsiiaǵa júgingen.
Jyl basynan SQO-da 375 internet-alaiaqtyq faktisi tirkeldi. Politseiler profilaktikalyq jumystardy, onyń ishinde kúdik týǵyzatyn habarlandyrýlarǵa monitoring júrgizip turady. Jyl basynan tanymal internet-resýrstarda 100-den asa habarlandyrý buǵattaldy.
