Sýret: video skrini
Petropavlda er adam óz qyzyn terezeden laqtyryp jiberemin dep qorqytqan, - dep habarlaidy "Ult aqparat" Polisia.kz Telegram arnasyna silteme jasap.
20 qyrkúiek saǵat 17:49 shamasynda Petropavl qalasynyń Politsiia basqarmasyna Maiakovskogo, 93 mekenjaiynda ornalasqan jataqhananyń 5-shi qabatyndaǵy bólmede tóbeles bolyp jatqany týraly habarlama túsken.
"Oqiǵa ornyna kelgen politseiler bólmeniń ishinde esikti qulyptap alǵan jáne náresteni terezeden laqtyryp jiberemin dep qorqytqan er adam bar ekenin anyqtady. Jataqhananyń janyna ýchaskelik politsiia inspektorlary, TJD, meditsina qyzmetkerleri keldi.
TJD qyzmetkeri ózin shatyrǵa bailap, tereze arqyly ishke endi. Er adamdy edenge qulatyp, esikti ashqan soń ishke SQO PD JQAJ qyzmetkerleri kirip, bólmeniń iesin qolǵa túsirdi.
Aldyn ala málimet boiynsha, 2023 jyly týǵan qyz bala zardap shekpedi. Náreste meditsina qyzmetkerlerine berildi" - delingen habarlamada.
Ustalǵan azamat, SQO-nyń 23 jastaǵy turǵyny masań kúide bolǵan. Ózimen birge turyp jatqan 21 jastaǵy áieli ekeýiniń arasynda janjal bolǵan. Er adam kishkentai nárestesin terezeden laqtyramyn dep qorqytqan.
Sotqa deiingi tergeý júrgizilýde, oqiǵanyń mán-jaiy anyqtalyp jatyr.
