Petropavlda koronavirýsqa qarsy vaktsina alǵan boijetkenge ota jasaýǵa týra keldi. Ekpeniń orny isip, irińdegen, dep habarlaidy QazAqparat.
Petropavlda koronavirýsqa qarsy ekpe alyp, keiin onyń orny isip, irińdegeni jaiynda turǵyndardyń biri áleýmettik jelide jariialady.
Boijetkenniń aitýynsha, vaktsina qoiǵannan keiin orny isip, kógerip, dene qyzýy kóterilgen. Úsh kúnnen keiin jedel járdem qyzmetin shaqyrǵan oǵan, oblys ortalyǵyndaǵy emdeý mekemeleriniń birinde jedel túrde ota jasaǵan. Ekpeniń orny irińdegen eken.
Soltústik Qazaqstan oblysy densaýlyq saqtaý basqarmasy jetekshisiniń orynbasary Qumar Kúsemisov osy jaǵdaiǵa qatysty túsinik berdi. Meditsinalyq qyzmetkerdiń aitýynsha, koronavirýsqa qarsy vaktsinany qoidyrýǵa qorqýdyń qajeti joq. Preparattar tolyq zerttelgen.
«Boijetkenge postinektsiialyq gematoma diagnozy qoiyldy. Munyń koronavirýs vaktsinasyna jáne meditsinalyq qyzmetkerlerdiń ekpe jasaý tehnikasyna esh qatysy joq. Mundai asqyný kez-kelgen vaktsinany egýden keiin bolýy múmkin. Ine tamyrǵa kirgen, saldarynan bulshyqetterdiń arasynda gematoma paida bolǵan. Meditsinalyq mekemede jara ashylyp, irińnen tazartyldy, bakteriologiialyq sebindige tekserildi. Saraptama nátijesi teris bolyp shyqty», - deidi Qumar Kúsemisov.
