Petropavl turǵyny, Uly Otan soǵysynyń ardageri Nikolai Diomin koronavirýsqa qarsy vaktsina saldyrtty, qazir qariianyń jaǵdaiy jaqsy, dep habarlaidy "Ult aqparat".
Uly Otan soǵysynyń ardageri Nikolai Ivanovich Diomin Petropavldaǵy № 2 qalalyq emhanaǵa baryp, vaktsina saldyrtty. Onyń ekpe alǵanyna búgin úshinshi kún.
«Emhanadan habarlasyp, vaktsina saldyrýǵa shaqyrdy. Alǵashqy eki kún ózimdi jaisyz sezindim. Basym aýyrdy, álsizdik bolyp, jattym. Mamandar azdap aýyrýyń múmkin dep meni eskertti. Al búgin ózimdi jaqsy sezinip turmyn. Esh jerim aýyrmaidy. Ekpe alǵanyma qýanyshtymyn, endi aýyrsam da jeńil ótedi. Sondyqtan barlyǵyn vaktsina qoidyrýǵa shaqyramyn», - deidi soǵys ardageri.
Nikolai Diomin 1943 jyldyń qazanynda 18 jasynda ásker qataryna alynyp, jarty jyldan keiin maidanǵa attanǵan eken. Jaiaý jáne tank áskerleri quramynda soǵysqan jaýynger jeńisti Litva jerinde qarsy alypty. Maidanda eki ret jaraqattanǵan. Al soǵystan soń zeinet demalysyna shyqqanǵa deiin «Esil sý» kásipornynda eńbek etti.
SQO Densaýlyq saqtaý basqarmasynyń málimetinshe, SQO-da búginge deiin 28 myń adam koronavirýsqa qarsy ekpe aldy. Onyń 7 myńǵa jýyǵy tolyq vaktsinatsiiadan ótti.
Mamandardyń aitýynsha, jalpy KVI juqtyrǵandardyń 30 %-y – 4 158 adam – 60 jastan asqandar.
