Petropavldaǵy «Ziksto» aktsionerlik qoǵamy jumysshylaryna eńbekaqy boiynsha bereshegin tolyq qaitardy, dep habarlaidy "Ult aqparat".
Soltústik Qazaqstan oblystyq prokýratýra baspasóz qyzmetiniń habarlaýynsha, Petropavl qalasy prokýrorlarynyń aralasýynan keiin kásiporyn 700-den astam jumysshysyna eki aidyń eńbekaqysyn tóledi. Berilgen soma 100 mln teńgeden asady.
«Ziksto» AQ zań buzýshylyqtardy anyqtaǵan prokýrorlar eńbek inspektsiiasymen birlese áreket etip, zaýyttyń basshylyǵymen jáne jumysshylarmen kezdesti. Nátijesinde eńbekaqy boiynsha kásiporyn bereshegi tolyǵymen óteldi.
«Ziksto» AQ eki ai eńbekaqy almaǵan jumysshylary Quqyq qorǵaý qyzmeti ortalyǵyna aryzdanyp, máselege prokýratýra, eńbek inspektsiiasy, oblystyq ákimdik aralasqanyn aitqan edik. Zaýyt basshylyǵy ai sońyna deiin qaryzdy jabýǵa ýáde etip, sózinde turdy.
