Foto: baq.kz
Petropavlda 172 million teńgeniń jeri memleketke qaitaryldy, - dep habarlaidy "Ult aqparat" Soltústik Qazaqstan oblysynyń prokýratýrasyna silteme jasap.
"Jergilikti atqarýshy organdardyń qyzmetinde jer zańnamasynyń saqtalýyn tekserý sheńberinde Petropavl qalasynyń prokýratýrasy óreskel buzýshylyqtardy anyqtady.
Kommertsiialyq maqsattar úshin jer ýchaskesin berý kezinde ýákiletti organdar qoldanystaǵy erejelerdi elemei, paidalaný úshin berýge jatpaityn aýdany 0,0150 ga jer ýchaskesiniń bir bóligin zańsyz bergen.
Máselen, Petropavl qalasy prokýrorynyń aktisi boiynsha aýktsionnan tys berilgen jalpy quny 172 million teńge bolatyn 6,8 ga jer ýchaskesi memleketke qaitaryldy" - delingen vedomstvo habarlamasynda.
Anyqtalǵandai, bul jer ýchaskesi qurylys salýshylardyń birine ákimdiktiń 2021 jylǵy maýsymdaǵy qaýlysymen kópqabatty turǵyn úiler salý maqsatynda konkýrstan tys investitsiialyq jáne innovatsiialyq jobalardy iske asyrý úshin ýaqytsha óteýli jer paidalaný quqyǵymen berilgen.
Alaida memlekettik menshikten jer ýchaskelerin berý úshin investitsiialyq jobany aiqyndaý erejeleri tek 2022 jyldyń qańtarynan bastap (iaǵni, jer ýchaskesi berilgennen keiin 6 aidan keiin) qoldanysqa engizildi. Osylaisha, investitsiialyq joba múldem bolǵan joq.
"Basqa jaǵdaida, qalanyń 69 jer paidalanýshysy tarapynan jer ýchaskelerin satyp alý-satý sharttary boiynsha somalardy tóleý boiynsha sharttyq jáne salyq mindettemelerin oryndamaý faktileri boiynsha memleket biýdjetine 119 mln. teńge óndirildi.
Oblystyń Ádep jónindegi keńesi memlekettik qyzmetke kir keltiretin teris qylyqtar jasaǵany úshin jaýapty laýazymdy adam «qyzmetke tolyq sáikes emestigi týraly eskertý» túrinde tártiptik jaýapkershilikke tartyldy" - delingen habarlamada.
