Petropavldaǵy №2 jylý-elektr ortalyǵynda jaraqat alyp, qaza tapqan jumysshy kásiporynda merdiger kompaniianyń quramynda qurylys jumystarymen ainalysqan, dep habarlaidy QazAqparat.
«SevKazEnergo» AQ baspasóz qyzmetiniń málimetinshe, qaza tapqan azamat - «Stroitelnyi Tsentr Arsenal» JShS-niń jumysshysy. Bul kompaniia Petropavldaǵy №2 jylý-elektr ortalyǵynda merdiger retinde qurylys jumystaryn atqaryp jatyr.
«Barlyq jumysshylar iske kirispes buryn qaýipsizdik tehnikasy boiynsha nusqamadan ótti.
5 qarasha kúni bizdiń brigada tútin tartatyn nysannyń shatyryn qalpyna keltirip jatty. Merdiger uiymnyń qyzmetkeri bizge beimálim sebeppen jumys ornynda emes, № 3 qazandyq agregatynyń tútin joly mańynda bolǵan.
Sol jerde úiilip turǵan temir konstrýktsiia qulap ketip, 22 jastaǵy jumysshy jaraqat aldy.
Oqiǵa ornyna jetken jedel járdem qyzmeti jaraqattanǵan er adamdy qalalyq aýrýhanaǵa jetkizdi, sol jerde ol keiin qatys boldy. Jazataiym oqiǵa barlyq tiisti memlekettik organdarǵa habarlandy», - dedi oqiǵaǵa qatysty túsinik bergen «Stroitelnyi Tsentr Arsenal» JShS direktory Vsevolod Sysoliatin.
«SevKazEnergo» AQ qaitys bolǵan jigittiń týǵan-týystaryna qaiǵyryp kóńil bildirdi.
Esterińizge salaiyq, keshe bul faktini Soltústik Qazaqstan oblysynyń politsiia departamenti rastaǵan edi. Jumysshynyń qaitys bolýyna bailanysty QR QK 156-baby 3-bóligi boiynsha qylmystyq is qozǵalǵan.
Qazirgi ýaqytta istiń mán-jaiyn zertteýge baǵyttalǵan tergeý áreketteri júrgizilip jatyr. Olardyń nátijeleri boiynsha túpkilikti protsestik sheshim qabyldanbaq. Sondai-aq jumysty oryndaý kezinde óndiristik qaýipsizdik talaptaryn saqtaý boiynsha jaýapty tulǵalardyń kinási de aiqyndalady.
