sýret: inform.kz
Petropavlda turǵyndar páterleriniń kúrt sýyǵanyn aityp, áleýmettik jelide jarysa jariialady. Qalalyqtar túnde batareialarynan shýyldyń estilgenin aitýda, dep habarlaidy QazAqparat.
Petropavl turǵyndarynyń aitýynsha, páterlerdegi qol tigizbei turǵan batareiler túngi saǵat ekilerden keiin sýi bastaǵan. Sondai-aq jylytý quralynan túsiniksiz shý estilgen. Qazir qalanyń kei aýdandaryndaǵy baspanalarda qońyr salqyn temperatýra saqtalǵan.
SQO prokýratýrasy jaǵdaidy túsindirdi.
«16 jeltoqsan kúni Petropavl turǵyndary páterlerindegi batareiden shýyl estildi. Oǵan saǵat 2.30 shamasynda 2-jylý-elektr ortalyǵyndaǵy týrbina tsehynda 3 jelilik sorǵynyń tehnikalyq sóndirilýi sebep. Stantsiianyń personaly negizgi qondyrǵyda tiisti aýystyrýlar jasady. Saǵat 4.40 minýt ketkende gidravlikalyq rejim qalpyna keltirildi. Sýdyń ainalymy toqtatylǵan joq», - delingen habarlamada.
Qazirgi ýaqytta jylý tasymaldaýshyda 78 gradýsty kórsetip tur, al norma 83 gradýs. Jylý birtindep kóterilip jatyr.
«Qurmetti qala turǵyndary! Sizderden jalǵan aqparatty taratpaýǵa jáne tek qana resmi aqparat kózderine senýge shaqyramyz», - dedi prokýratýra ókilderi.
