سۋرەت: inform.kz
پەتروپاۆلدا تۇرعىندار پەتەرلەرٸنٸڭ كٷرت سۋىعانىن ايتىپ, ەلەۋمەتتٸك جەلٸدە جارىسا جارييالادى. قالالىقتار تٷندە باتارەيالارىنان شۋىلدىڭ ەستٸلگەنٸن ايتۋدا, دەپ حابارلايدى قازاقپارات.
پەتروپاۆل تۇرعىندارىنىڭ ايتۋىنشا, پەتەرلەردەگٸ قول تيگٸزبەي تۇرعان باتارەيلەر تٷنگٸ ساعات ەكٸلەردەن كەيٸن سۋي باستاعان. سونداي-اق جىلىتۋ قۇرالىنان تٷسٸنٸكسٸز شۋ ەستٸلگەن. قازٸر قالانىڭ كەي اۋداندارىنداعى باسپانالاردا قوڭىر سالقىن تەمپەراتۋرا ساقتالعان.
سقو پروكۋراتۋراسى جاعدايدى تٷسٸندٸردٸ.
«16 جەلتوقسان كٷنٸ پەتروپاۆل تۇرعىندارى پەتەرلەرٸندەگٸ باتارەيدەن شۋىل ەستٸلدٸ. وعان ساعات 2.30 شاماسىندا 2-جىلۋ-ەلەكتر ورتالىعىنداعى تۋربينا تسەحىندا 3 جەلٸلٸك سورعىنىڭ تەحنيكالىق سٶندٸرٸلۋٸ سەبەپ. ستانتسييانىڭ پەرسونالى نەگٸزگٸ قوندىرعىدا تيٸستٸ اۋىستىرۋلار جاسادى. ساعات 4.40 مينۋت كەتكەندە گيدراۆليكالىق رەجيم قالپىنا كەلتٸرٸلدٸ. سۋدىڭ اينالىمى توقتاتىلعان جوق», - دەلٸنگەن حابارلامادا.
قازٸرگٸ ۋاقىتتا جىلۋ تاسىمالداۋشىدا 78 گرادۋستى كٶرسەتٸپ تۇر, ال نورما 83 گرادۋس. جىلۋ بٸرتٸندەپ كٶتەرٸلٸپ جاتىر.
«قۇرمەتتٸ قالا تۇرعىندارى! سٸزدەردەن جالعان اقپاراتتى تاراتپاۋعا جەنە تەك قانا رەسمي اقپارات كٶزدەرٸنە سەنۋگە شاقىرامىز», - دەدٸ پروكۋراتۋرا ٶكٸلدەرٸ.
