Petropavl áýejaiy tórtinshi ret satyp alý quqyǵymen senimgerlik basqarýǵa berildi, dep habarlaidy QazAqparat.
Tender ótti dep tanyldy. Petropavl áýejaiynyń múlki bes jyl merzimge 2,8 mlrd teńgege senimgerlik basqarýǵa berildi. Saýda-sattyqtyń jalǵyz qatysýshysyna satýǵa ruqsat etildi.
Senimger basqarýshy qyzmet beiinin shart jasasqan kúnnen bastap 10 jyl merzimge saqtaýǵa, órt qaýipsizdigi men qaýipsizdik tehnikasynyń normalary men talaptarynyń, kúzetke, terrorizmge qarsy qorǵaý júiesine qoiylatyn talaptardyń saqtalýyn, áýejai aýmaǵyn órtke qarsy quraldarmen jaraqtandyrýdy, bilikti mamandardyń bolýyn qamtamasyz etýge, obektini tek nysanaly maqsaty boiynsha paidalanýǵa, ony taldaýǵa jáne joiýǵa jol bermeýge tiis.
Alǵash ret áýejai múlki naýryz aiynda satylymǵa shyǵaryldy. Osy ýaqyt ishinde onyń quny 2,8 jáne 5,6 mlrd teńge aralyǵynda qubyldy.
Jolaýshylar kóligi jáne avtomobil joldary basqarmasy áýejai senimgerlik basqarýǵa berý rásimi kezinde shtattyq rejimde jumys isteitinin atap ótti.
