Foto: Vikipediia
Soltústik Qazaqstan oblysy ákimi Ǵaýez Nurmuhamedov úkimet kýlýarynda Petropavl qalasynyń atyn aýystyrý týraly aitty.
Ákimniń sózinshe, qala ataýyn aýystyrý kún tártibinde turǵan ózekti másele emes.
"Bul suraq dál qazir ózekti emes. Sebebi odan da mańyzdy áleýmettik máseleler, ekonomikalyq damýǵa qatysty máseleler bar. Men bul suraq múldem kóterilip jatqan joq dei almaimyn. Aýystyrý kerek dep oilaityndar da bar. Sondai-aq áli ýaqyty kelgen joq dep oilaityndar da bar", - dedi ol.
Qalanyń tarihi ataýyn aýystyrýdyń saiasi astary joq ekenin aitty. Sondai-aq BAQ ókilderi osy suraqqa qatysty jeke kózqarasyn surady.
"Biz birinshi kezekte turǵyndardyń oiyn zerdeleimiz. Eger adamdardyń kóbi qala ataýyn ózgertýdi qoldasa, biz qarastyramyz",- dedi ákim.
