فوتو: ۆيكيپەدييا
سولتٷستٸك قازاقستان وبلىسى ەكٸمٸ عاۋەز نۇرمۇحامەدوۆ ٷكٸمەت كۋلۋارىندا پەتروپاۆل قالاسىنىڭ اتىن اۋىستىرۋ تۋرالى ايتتى.
ەكٸمنٸڭ سٶزٸنشە, قالا اتاۋىن اۋىستىرۋ كٷن تەرتٸبٸندە تۇرعان ٶزەكتٸ مەسەلە ەمەس.
"بۇل سۇراق دەل قازٸر ٶزەكتٸ ەمەس. سەبەبٸ ودان دا ماڭىزدى ەلەۋمەتتٸك مەسەلەلەر, ەكونوميكالىق دامۋعا قاتىستى مەسەلەلەر بار. مەن بۇل سۇراق مٷلدەم كٶتەرٸلٸپ جاتقان جوق دەي المايمىن. اۋىستىرۋ كەرەك دەپ ويلايتىندار دا بار. سونداي-اق ەلٸ ۋاقىتى كەلگەن جوق دەپ ويلايتىندار دا بار", - دەدٸ ول.
قالانىڭ تاريحي اتاۋىن اۋىستىرۋدىڭ ساياسي استارى جوق ەكەنٸن ايتتى. سونداي-اق باق ٶكٸلدەرٸ وسى سۇراققا قاتىستى جەكە كٶزقاراسىن سۇرادى.
"بٸز بٸرٸنشٸ كەزەكتە تۇرعىنداردىڭ ويىن زەردەلەيمٸز. ەگەر ادامداردىڭ كٶبٸ قالا اتاۋىن ٶزگەرتۋدٸ قولداسا, بٸز قاراستىرامىز",- دەدٸ ەكٸم.
