Elimizde petitsiia institýtyn zańdastyrýǵa baǵyttalǵan qujat qabyldanady. Bul týraly QR Aqparat jáne qoǵamdyq damý ministri Asqar Ýmarov vedomstvonyń keńeitilgen alqa májilisinde málim etti, dep habarlaidy QazAqparat.
«Aqparatqa qol jetkizý týraly» Zańǵa ózgerister men tolyqtyrýlar engizildgenin bilesizder. Soǵan sáikes, aqparatqa qol jetkizýge jaýapty ýákiletti tulǵa institýty engizildi. Búginde búkil memlekettik organda jaýapty adamdar anyqtaldy. Olardy oqyttyq. Qazirgi tańda olardyń jalpy sany 1400-den asady.
Alǵash ret Memleket basshysyna Qazaqstandaǵy aqparatqa qol jetkizý salasynyń jai-kúii týraly jyldyq esep daiyndaldy. Baiandama qoǵamda jáne saraptamalyq ortada keńinen talqylandy. Sondai-aq Aqparatqa qol jetkizý máseleleri jónindegi komissiia otyrysynda qaraldy», - dedi Asqar Ýmarov.
Ministr jergilikti byltyrdan beri alǵash ret máslihattardyń sessiialary Ai-tube platformasynda onlain kórsetile bastaǵanyn eske saldy.
«Sondai-aq Eýropadaǵy qaýipsizdik jáne yntymaqtastyq uiymymen birlesip máslihat depýtattaryna treningter men vebinarlar ótkizdik.
Qazirgi ýaqytta BAQ ókilderimen ózara is-qimyl suraǵynda memlekettik organdar qyzmetiniń tiimdiligin baǵalaýdyń jańa kriterileri engizildi», - degen vedomstvo basshysy «Halyq únine qulaq asatyn memleket» qaǵidatyn engizý tásilderine toqtaldy.
«Birinshi. Memlekettik basqarýdy damytýdyń 2030 jylǵa deiingi tujyrymdamasy sheńberinde jobalardy iske asyrý.
Ekinshi. Memleket basshysyna usynylatyn aqparatqa qol jetkizý salasynda kezekti esepti daiyndaý.
Úshinshi. «Qazaqstan Respýblikasynyń keibir zańnamalyq aktilerine qoǵamdyq baqylaý máseleleri boiynsha ózgerister men tolyqtyrýlar engizý týraly» zań jobasyn qabyldaýǵa atsalysý. Qujat petitsiia institýtyn zańdastyrýǵa baǵyttalǵan», - dedi ministr.
