Áleýmettik jelide "Aq jol" partiiasynyń tóraǵasy Azat Perýashevtyń alyp eskertkishtiń janynda túsken fotosy qyzý talqylanyp jatyr. Eskertkishtegi beine Nursultan Nazarbaevtyń jas kezine uqsaidy.
Sonymen qatar jelide bul eskertkishtiń Túrkistanda ornatylatyny, Perýashevtyń Nursultan Nazarbaevqa daiyndap jatqan syiy degen de aqparat tarady.
"Ótken qysta ózim qurmetteitin, ataqty músinshi Tileýberdi Binashev aqsaqalymyz sheberhanasyna shaqyryp, dastarhan jaiyp, basqa da týyndylarymen birge bozbala kezindegi dosy Shámshi Qaldaiaqovtyń músinin kórsetken edi. Sol kezde músinshi aǵamyz jasaǵan birneshe jumysynyń qasynda turyp, sýretke túsýimdi ótingen bolatyn. Qalǵanynyń barlyǵy – áldekimniń sandyraǵy ", - dep jazdy Perýashev.
Sputnik Kazakhstan agenttiginiń habarlaýynsha, Iasaýi atyndaǵy halyqaralyq qazaq-túrik ýniversitetiniń aqparat ortalyǵy halyqaralyq konferentsiia kezinde Túrkistan oblysyna Nazarbaevqa eskertkish ornatý usynylǵanyn rastaǵan.
"Keshe halyqaralyq onlain konferentsiia boldy. Jiyn TÚRKSOI, TÚRKPA, Túrki akademiiasynyń birlesýimen ótti. Ony oblys ákimdigi men ýniversitet uiymdastyrdy. Ol jerde TÚRKSOI uiymynyń bas hatshysynyń orynbasary Bilal Chakydjy Nazarbaevtyń eńbegin erekshe atap ótip, osy oblysta Nazarbaevqa arnap eskertkish qoiýdy usyndy", - dedi aqparat ortalyǵyǵynyń redaktory Aqerke Isabekova.
Aitýynsha, jiynǵa qatysqandar bul usynysty biraýyzdan qoldady. Alaida onyń qashan iske asatyny ázirge belgisiz.
"Eskertkishtiń qandai bolatyny ázirge belgisiz. Áleýmettik jelide Nazarbaevtyń jas kezi beinelengen bir foto jariialanyp jatyr. Ol áli belgisiz. Ázirge sóz ǵana, resmi túrde qabyldanǵan qujat joq", - dedi ol.
