Búgin Májilis otyrysynda «Aq jol» fraktsiiasynyń depýtattary Ázerbaijannyń «problemalyq» bankine qarjy quiý týraly sheshim qabyldaǵan Biryńǵai jinaqtaýshy zeinetaqy qorynyń (BJZQ) laýazymdy tulǵalaryn jaýapqa tartýdy usyndy, dep habarlaidy Baq.kz tilshisi.
«Aq jol» partiiasyna kelgen táýelsiz sarapshy Raqym Oshaqbaev zeinetaqy qarjysyna qatysty faktilerdiń anyqtalǵanyn aitty. Onyń málimetinshe, 2014 jyly BJZQ 70 mlrd teńgege Ázerbaijan Halyqaralyq bankiniń obligatsiialaryn negizsiz satyp alǵan. Buǵan deiin bizdiń fraktsiia BJZQ qarjysyna qatysty málimdeme jasaǵan bolatyn. Ol kezdegi másele Qazinvestbank litsenziialary alynǵan sátte 3 mlrd teńgeniń joǵalý qaýpi jaiynda edi. Sol kezde-aq, BJZQ basshylyǵynyń 5 mlrd teńgege KASE-ten emitenti kúmándi baǵaly qaǵazdardy satyp alǵany anyqtalǵan edi», - dedi májilismen Azat Perýashev.
Fraktsiia depýtattarynyń atynan QR Ulttyq bank basshylyǵyna saýal joldaǵan Perýashev bul azamattardyń zeinetaqy jinaqtaryna degen nemqurailylyǵy men jaýapsyzdyǵynyń belgisi dedi.
«Osyǵan orai, «Aq jol» fraktsiiasy atalǵan bankke qarjy investitsiialaý týraly sheshim qabyldaǵan BJZQ laýazymdy tulǵalaryn jaýapqa tartýdy usynady», - dep túiindedi Azat Perýashev.
