Foto: azattyq.org
Ýkrainadaǵy soǵysty "arnaiy operatsiia" dep atap, Resei prezidenti Vladimir Pýtindi ashyq qoldaǵan depýtat Azamat Ábildaevtyń máselesi 19 qańtarda arnaiy keńeste qaralady. Bul týraly "Aq jol" partiiasynyń lideri Azat Perýashev búgin óziniń Telegram arnasynda málimdedi, dep habarlaidy "Ult aqparat".
"Depýtat A.Ábildaevtyń máselesi erteń partiianyń ulttyq keńesinde qaralady.
1. A.Ábildaevtyń sózderi “Aq jol” partiiasynyń pozitsiiasyna qarama-qaishy jáne sonymen qatar partiialyq jáne de depýtattyq etikany da buzyp tur.
2. “Aq jol” partiiasy qashan da Respýblikamyzdyń jáne basqa da dos memleketterdiń táýelsizdigi men jer tutastyǵyn qurmetteidi jáne qoldaidy.
3. Depýtattardyń tártiptik máselesin qarastyrý partiianyń ulttyq keńesiniń quzyretine kiretindikten, depýtat A.Ábildaevtyń sózderine saiasi baǵa berý jáne máselesin qaraý úshin erteń partiianyń ulttyq keńesiniń plenýmy shaqyryldy" - delingen saiasi uiym prezidiýmynyń habarlamasynda.
Eske salaiyq, búgin, 18 qańtarda "Azattyq" radiosynda jariialanǵan suhbatta Májilis depýtaty Ábildaev Reseidiń Ýkrainaǵa basqynshylyǵyn "arnaiy operatsiia" dep atap, Ýkrainany "natsister basqaryp otyr" degen. Sondai-aq ol ózi siiaqty oilaityn 2-3 áriptesi bar ekenin de jasyrmady.
«Men Reseidiń prezidentin qoldaimyn. Osy arnaiy operatsiiany qoldaimyn. Jazǵa deiin Zelenskiidi óziniń halqy ustap, sotqa beredi dep oilaimyn...», – dedi depýtat.
Aita keteiik, Qazaqstan biligi Ýkrainanyń aýmaqtyq tutastyǵyn qoldaitynyn birneshe ret málimdegen.
Resei 2022 jyly 24 aqpanda Ýkrainaǵa basyp kirgende bul áreketin "arnaiy operatsiia" dep atap, "operatsiianyń" maqsaty "denatsifikatsiia" jáne "demilitirizatsiia" degen. Qazir Resei Ýkrainanyń shyǵysyndaǵy bir bóligin okkýpatsiialap aldy. Bul okkýpatsiiany moiyndamaityn Batys elderi men AQSh Reseige sanktsiia salyp, Ýkrainaǵa qarý-jaraq jaǵynan kómek kórsetip jatyr. Sarapshylar Reseidiń "Kievti úsh kúnde basyp alamyz" degen maqsaty oryndalmai, Ýkrainadaǵy soǵysy sátsizdikke ushyrady dep sanaidy.
video: Azattyq radiosy
